+7 (701) 759 90 19
-7 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

قازاقستانمەن شەكارادا ەسىرتكىمەن ۇستالعان شەتەلدىك ءومىر بويىنا سوتتالۋى مۇمكىن

14 تامىز 12:42
:ءبولىسۋ
قازاقستانمەن شەكارادا ەسىرتكىمەن ۇستالعان شەتەلدىك ءومىر بويىنا سوتتالۋى مۇمكىن

پەتروپاۆل. قازاقپارات - سولتۇستىك قازاقستان وبلىسى ارقىلى قازاقستانعا 400 گرامعا جۋىق گاشيش كىرگىزبەك بولعان رەسەي تۇرعىنى شەكارادا ۇستالدى، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، م. جۇمابايەۆ اۋداندىق پوليتسيا ءبولىمىنىڭ قىزمەتكەرلەرى ق ر ۇلتتىق قاۋىپسىزدىك كوميتەتى شەكارا قىزمەتىنىڭ اسكەري قىزمەتشىلەرىمەن بىرگە ەسىرتكى تاسىمالداۋشىنى ۇستادى.

م. جۇمابايەۆ اۋدانىنداعى «قاراقوعا» كەدەن بەكەتىندە «Toyota Landcruiser» اۆتوكولىگىن تەكسەرۋ كەزىندە ماشينادان 397,35 گرام گاشيش تابىلعان. رۋلدە 53 جاستاعى رەسەي ازاماتى بولعان. اتالمىش فاكتى «كونتراباندا» بابىمەن سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ەنگىزىلدى.

بۇل باپ بويىنشا 15 جىلدان 20 جىلعا دەيىن نەمەسە ءومىر بويىنا باس بوستاندىعىنان ايىرۋ جانە دۇنيە-مۇلكىن تاركىلەۋ جازاسى قاراستىرىلعان. سونداي-اق كولىك جۇرگىزۋشىسى رۋلگە ەسىرتكىگە ەلىتكەن كۇيى وتىرعاندىقتان، 15 تاۋلىككە اكىمشىلىك قاماۋعا الىندى.

س ق و- دا «دارمەك» رەسپۋبليكالىق جەدەل-الدىن الۋ ءىس-شاراسىنىڭ ەكىنشى كەزەڭى ءوتتى.

ونىڭ ماقساتى - ەسىرتكى جانە پسيحوتروپتى زاتتاردىڭ زاڭدى اينالىمىن باقىلاۋ. ءتارتىپ ساقشىلارى 5 كۇن بويى مەديتسينالىق جانە فارماتسيەۆتيكالىق مەكەمەلەردە ەسىرتكى زاتتارى بار پرەپاراتتاردى ساقتاۋ، پايدالانۋ جانە جويۋ ەرەجەلەرىنىڭ قانشالىقتى ساقتالاتىنىن تەكسەردى.

«وپەراتسيا بارىسىندا ەسىرتكى زاتتارى بار پرەپاراتتارعا قاتىستى زاڭبۇزۋشىلىقتاردى انىقتاماساق تا، مەديتسينالىق ماسكالاردىڭ زاڭسىز ساتىلىپ جاتقانىنىڭ ۇستىنەن تۇستىك. مەديتسينالىق ءونىم بولعاندىقتان ونى تەك ءدارىحانالار عانا ساتا الادى. مەديتسينالىق ماسكانى زاڭسىز ساتۋدىڭ 12 دەرەگىن جانە ءدارىحانالاردا بۇل بۇيىمنىڭ باعاسىن كوتەرىپ ساتۋدىڭ 2 فاكتىسىن انىقتادىق»، - دەيدى س ق و پ د ەسىرتكى قىلمىسىنا قارسى ءىس-قيمىل باسقارماسى باستىعىنىڭ مىندەتىن اتقارۋشى يۆان تەرزيدي.

جەدەل- الدىن الۋ ءىس-شاراسى بارىسىندا 3 قىلمىستىق زاڭبۇزۋشىلىق انىقتالىپ، 538,76 گ ەسىرتكى تاركىلەندى. جالپى جىل باسىنان س ق و پوليتسەيلەرى 226 ك گ ءتۇرلى ەسىرتكىنى اينالىمنان الدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات