قازاقستاندا قانداي اۋرۋ تۇرلەرى ازايعانى بەلگىلى بولدى

نۇر-سۇلتان. قازاقپارات - COVID-19 تاراتپاۋ جونىندەگى ۆەدومستۆوارالىق كوميسسيانىڭ ماماندارى قازاقستاندا قانداي اۋرۋ تۇرلەرى ازايعانىن ايتى، - دەپ حابارلايدى Tengrinews.kz ءتىلشىسى.

سانيتارلىق قىزمەتتەر 97 جۇقپالى اۋرۋعا مونيتورينگ جۇرگىزىپ، جارتى جىلدىڭ قورىتىندىسى بويىنشا 61 ينفەكتسيادان سىرقاتتانۋشىلىق ازايعانىن حابارلادى.

«اتاپ ايتقاندا، سەروزدى مەنينگيتپەن (14,6 ەسەگە)، ءىرىڭدى مەنينگيتپەن (4,8 ەسەگە)، سالمونەللەز (2,5 ەسەگە)، روتاۆيرۋستىق ەنتەريتپەن (38,2 پايىزعا)، برۋتسەللەزبەن (46,1 پايىزعا)، كوكجوتەلمەن (26 پايىزعا)، مەنينگوكوكك ينفەكتسياسىمەن (26,8 پايىزعا)، قىزىلشامەن (3,2 ەسەگە)، تۋبەركۋلەزبەن (27,3 پايىزعا) سىرقاتتانۋشىلىقتىڭ تومەندەگەنى بايقالدى»، - دەلىنگەن حابارلامادا.

2020-جىلدىڭ باسىنان بەرى قازاقستاندا وبا، تىرىسقاق، ءىش سۇزەگى، قۇتىرما، تۋليارەميا، ديفتەريا، سىرەسپە، قىزامىق اۋرۋلارى تىركەلمەگەن.