عالىمدار العاش رەت اۋادا ءتىرى كوروناۆيرۋستى انىقتادى

نۇر-سۇلتان. قازاقپارات - عالىمدار اۋاداعى ميكروسكوپيالىق بولشەكتەردە تولىققاندى ءتىرى ۆيرۋستى كورە العاندارىن مالىمدەدى.

بۇل تۋرالى Der Spiegel نەمىس جۋرنالىنداعى ماقالادا جازىلعان، - دەپ حابارلايدى Inopressa.

باسىلىم مالىمەتىنشە، ەۋروپاداعى دارىگەرلەر اۋرۋ تاراعاننان كەيىن بىرنەشە اپتادان سوڭ ۆيرۋس اداممەن بايلانىستا بولعاننان كەيىن اۋا-تامشى جولدارى ارقىلى عانا ەمەس، سونداي-اق اۋاداعى ميكروسكوپيالىق بولشەكتەردىڭ كومەگىمەن ءبىراز قاشىقتىققا تاراي الاتىنىن انىقتاعان.

ءبىراق ۆيرۋس ناقتى قانشا كولەمدە ميكروبولشەكتەردە قالاتىنى بەلگىسىز. فلوريدا ۋنيۆەرسيتەتىنىڭ زەرتتەۋشىلەرى اەروزولدەردىڭ ۆيرۋستىق جۇكتەمەسى ۇلكەن جانە ول ادامعا جۇعۋى مۇمكىن ەكەنىن دالەلدەي الاتىن دەرەكتەر بارىن ايتقان. امەريكالىق عالىمدار ونداي بولشەكتەرگە ءبۇتىن، ءتىرى ۆيرۋستار بەكىتىلە الاتىنىن ايتادى.

ءىس جۇزىندە ادامدار كوروناۆيرۋستى فيزيكالىق بايلانىسسىز جۇقتىرعان كەزدەر تىركەلگەن. مىسالى، ناۋرىزدا ماۋنت-ۆەرنون قالاسىندا شىركەۋ حورىنىڭ مۇشەلەرى دايىندىق كەزىندە كوروناۆيرۋس جۇقتىرعان. COVID-19 بەلگىلەرى بار حوردىڭ ءبىر مۇشەسى بىردەن 52 ادامعا جۇقتىرعان. ۇشەۋى اۋرۋحانادان ەم الىپ، ەكى ادام قايتىس بولعان.