+7 (701) 759 90 19
-6 °С : نۇر-سۇلتان
-1 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ادامدى بوستاندىعىنان ايىرۋ مەن بوستاندىعىن شەكتەۋدىڭ ايىرماشىلىعى قانداي؟

14 تامىز 11:15
:ءبولىسۋ
ادامدى بوستاندىعىنان ايىرۋ مەن بوستاندىعىن شەكتەۋدىڭ ايىرماشىلىعى قانداي؟

نۇر-سۇلتان. قازاقپارات - قازاقستان زاڭناماسى بويىنشا ادامدى بوستاندىعىنان ايىرۋ مەن بوستاندىعىن شەكتەۋدىڭ قانداي ايىرماشىلىعى بار؟

مۇنداي جازالاردىڭ ناقتى قانداي شەكتەۋلەرى بار؟ بۇل سۇراقتارعا زاڭگەر ساكەن ءىلياسوۆ جاۋاپ بەردى.

سوتتالعان ادامدى باس بوستاندىعىنان ايىرۋ دەگەنىمىز - ونى قىلمىستىق-اتقارۋ جۇيەسىنىڭ مەكەمەسىنە جىبەرۋ ارقىلى جازاسىن وتەتۋ. ناقتىراق ايتقاندا، قىلمىس جاساعان ادامنىڭ جازاسىن وتەتۋ ءۇشىن ونى تۇرمەدە، كولونيادا قاماۋدا ۇستاۋ.

ال بوستاندىعىن شەكتەۋ - سوتتالعان ادامنىڭ بۇكىل جازانى وتەۋ مەرزىمىندە ءوزىنىڭ تۇرعىلىقتى جەرى بويىنشا پروباتسيا ورگانىنىڭ باقىلاۋىندا بولىپ، قوعامنان وقشاۋلانباي جازاسىن وتەۋى. ياعني سوتتالعان تۇلعا باس بوستاندىعىنان ايىرىلۋ مەرزىمىن ق ر زاڭدارىندا كورسەتىلگەن تارتىپكە سايكەس ءوزىنىڭ تۇرعىلىقتى مەكەنجايى بويىنشا جازاسىن وتەيدى.

سوت ۇكىمىمەن بوستاندىق شەكتەلگەندە قانداي شەكتەۋلەر بولادى؟

باس بوستاندىعى شەكتەلگەن تۇلعا جازانى وتەۋدىڭ بۇكىل مەرزىمى ىشىندە جىل سايىن ءجۇز ساعاتتان ءماجبۇرلى ەڭبەككە تارتىلادى. ءماجبۇرلى ەڭبەكتى جەرگىلىكتى اتقارۋشى ورگاندار قوعامدىق ورىنداردا ۇيىمداستىرادى جانە كۇنىنە ءتورت ساعاتتان اسپايتىن ۋاقىتتا وتەلەدى. سونىمەن بىرگە باس بوستاندىعى شەكتەلگەن ادام جازانى وتەۋ كەزىندە پروباتسيا ورگاندارىنىڭ باقىلاۋىنا الىنىپ، ايىنا كەمىندە ءبىر رەت بارىپ بەلگىلەنۋى كەرەك. سول مەرزىم ىشىندە پروباتسيا ورگانىنىڭ قىزمەتكەرلەرى جازاسىن وتەۋشىنى باقىلاۋ ماقساتىندا تۇرعىلىقتى مەكەنجايى بويىنشا شەكتەۋ شارالارىنىڭ ساقتالۋىن تەكسەرە الادى. بۇدان بولەك سوت قوسىمشا شەكتەۋلەر قويا الادى.

جازانى وتەپ جاتقان ادام ينسپەكتسيا رۇقساتىنسىز جۇمىس، وقۋ جانە تۇرعىن ورىندارىن اۋىستىرماۋعا، وقۋدان جانە جۇمىستان بوس ۋاقىتتا تۇرعىلىقتى جەرىندە بولۋعا، ينسپەكتسيا بەكىتكەن مەرزىمدە تاربيە ءىس-شارالارىن جۇرگىزۋگە قاتىسۋ جانە تىركەلۋ ءۇشىن ينسپەكتسياعا كەلۋگە، جيىرما ءتورت ساعات ىشىندە جۇمىس نەمەسە وقۋ كەستەسىنىڭ وزگەرگەنى تۋرالى ينسپەكتسيانى حاباردار ەتۋگە، وزىمەن بىرگە جەكە باسىن كۋالاندىراتىن قۇجاتىن الىپ جۇرۋگە مىندەتتەلەدى.

بوستاندىعى شەكتەلگەن تۇلعا ايىپپۇل تولەۋگە مىندەتتەلۋى مۇمكىن. سوت ايىپپۇل مولشەرىن قىلمىستىڭ دارەجەسىنە قاراي بەلگىلەيدى.

ەگەر بوستاندىعى شەكتەلگەن ادام جازانى وتەۋدەن قاساقانا جالتاراتىن بولسا، قالعان مەرزىمىندە سوت ۇكىمىمەن باس بوستاندىعىنان ايىرىلۋى مۇمكىن.

massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات