عالىمدار كوروناۆيرۋستان ەمدەلۋدىڭ جاڭا ءادىسىن ۇسىندى

نۇر-سۇلتان. قازاقپارات - الەم عالىمدارى كوروناۆيرۋستىق پنيەۆمونيانى ساۋلەلىك تەراپيامەن (راديوتەراپيا) ەمدەۋدى ۇسىندى، - دەپ حابارلايدى «يزۆەستيا».

دەرەككوز مالىمەتىنشە، كاناداداعى دجەك ادي ونكولوگيالىق ورتالىعىنىڭ مەديتسينالىق فيزيكا ءبولىمىنىڭ عالىمدارى رەنتگەن ساۋلەلەرىنىڭ تومەن دوزالارىنىڭ پنيەۆمونيادان بولاتىن ءولىم-ءجىتىمدى ورتاشا ەسەپپەن 20 پايىزعا تومەندەتۋ مۇمكىندىگى تۋرالى مالىمدەگەن.

سونداي-اق، بۇرىن جانۋارلارعا جۇرگىزىلگەن سىناقتار پنيەۆمونيانىڭ جەدەل كەزەڭى ەكى ەسە قىسقارۋى مۇمكىن ەكەنىن كورسەتتى.

«پنيەۆمونيا ينفەكتسياعا يممۋندىق جاۋاپ رەتىندە پايدا بولادى، الۆەولالار قابىنىپ، سۇيىقتىق شىعارادى، گاز الماسۋ فۋنكتسياسىن بۇزادى. ۆيرۋستىق ينفەكتسيامەن قابىنۋعا قارسى تسيتوكيندەر مەن حيموكيندەردى سينتەزدەۋ ءۇشىن يممۋندىق جاسۋشالار پايدا بولادى. جيناقتالعان دەرەكتەر رادياتسيانىڭ تومەن دوزالارىنان تۋىنداعان قابىنۋعا قارسى اسەردى كورسەتەدى»، - دەلىنگەن ماقالادا.

بۇل ءادىس ا ق ش- تا كوروناۆيرۋس جۇقتىرعان 10 ناۋقاسقا جۇرگىزىلگەن ەكەن. ناتيجەسىندە جۇقتىرعاندار ءۇش كۇن ىشىندە-اق وزدەرىن جاقسى سەزىنگەن.

tengrinews.kz