+7 (701) 759 90 19
-7 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

د س ۇ: كوروناۆيرۋسقا قارسى توعىز تاجىريبەلىك ۆاكتسينا سىناقتىڭ ەكىنشى نەمەسە ءۇشىنشى كەزەڭىنەن وتەدى

14 تامىز 10:14
:ءبولىسۋ
د س ۇ: كوروناۆيرۋسقا قارسى توعىز تاجىريبەلىك ۆاكتسينا سىناقتىڭ ەكىنشى نەمەسە ءۇشىنشى كەزەڭىنەن وتەدى

جەنەۆا. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ باعالاۋى بويىنشا الەمگە كوروناۆيرۋسقا قارسى ءتيىمدى ۆاكتسينا جاساۋ مەن وندىرۋگە كەم دەگەندە 100 ميلليارد دوللار جۇمساۋ قاجەت.

بۇل تۋرالى بەيسەنبى كۇنى بريفينگ بارىسىندا د س ۇ باس ديرەكتورى تەدروس ادانوم گەبرەيەسۋس ءمالىم ەتتى، دەپ حابارلايدى قازاقپارات ب ۇ ۇ جاڭالىقتارىنىڭ سايتىنا سىلتەمە جاساپ.

د د ۇ باسشىسى حالىقارالىق ۆاليۋتا قورىنىڭ باعالاۋ دەرەكتەرىن كەلتىردى. اتالعان ەسەپكە سايكەس پاندەميا الەمدىك ەكونوميكاعا ايىنا 375 ميلليارد دوللار شىعىن اكەلەدى. الەمدىك ەكونوميكانىڭ ەكى جىل ىشىندەگى جيىنتىق شىعىندارى، ءدال وسىنداي باعالاۋ بويىنشا، 12 تريلليون دوللاردان اسادى.

«الەم پاندەميانىڭ قىسقا مەرزىمدى سالدارىمەن كۇرەسۋگە تريلليون جۇمساعان. تەك G20 ەلدەرى پاندەميانىڭ سالدارىن جويۋ جانە جەڭىلدەتۋ ءۇشىن بيۋدجەتتىك ىنتالاندىرۋ شارالارى رەتىندە 10 تريلليوننان استام دوللاردى جۇمىلدىردى. بۇل الەمنىڭ جاھاندىق قارجى داعدارىسىنىڭ سالدارىمەن كۇرەسۋگە جۇمساعان سومادان ءۇش جارىم ەسە كوپ»، - دەدى تەدروس ادان گەبرەيۋس.

تەدروس گەبرەيۋس وسى جىلدىڭ ءساۋىر ايىندا ددۇ الەمدىك كوشباسشىلاردىڭ تىكەلەي قاتىسۋىمەن پاندەميامەن كۇرەس جونىندەگى حالىقارالىق ىنتىماقتاستىقتىڭ جاھاندىق باستاماسىن ىسكە قوسقانىن ەسكە سالدى.

«ءۇش ايدىڭ ىشىندە ءبىز ايتارلىقتاي ناتيجەلەرگە جەتتىك»، - دەپ اتاپ ءوتتى ول.

د د ۇ باسشىسىنىڭ ايتۋىنشا، قازىرگى ۋاقىتتا توعىز تاجىريبەلىك ۆاكتسينا كلينيكالىق سىناقتىڭ ەكىنشى نەمەسە ءۇشىنشى كەزەڭىنەن وتۋدە. الەم حالقىنىڭ شامامەن %70 ىن قۇرايتىن ەلدەر باستاماعا قوسىلدى.

«بۇل COVID-19-بەن كۇرەس قۇرالدارىن ءادىل جانە تەڭ ءبولۋدى قامتاماسىز ەتەتىن جالعىز جاھاندىق پلاتفورما. ءبىراق بۇل ءساتتى بولۋى ءۇشىن جوبانى قارجىلاندىرۋ قاجەت»، - دەدى تەدروس ادان گەبرەيۋس.

ونىڭ ايتۋىنشا، بۇل - قازىرگى الەمدەگى ەڭ ءتيىمدى ينۆەستيتسيا. د س ۇ باس ديرەكتورىنىڭ پىكىرىنشە، وڭتايلى ءتاسىلدى دامىتۋ مۇمكىندىگىن ارتتىرۋ ءۇشىن الەم بىرنەشە ءتۇرلى ۆاكتسينالار جاساۋى كەرەك. ءتيىمدى جانە امبەباپ ۆاكتسينا جاسالعان كەزدە، وعان دەگەن سۇرانىس ۇسىنىستان ەداۋىر اسىپ تۇسەدى دەپ اتاپ ءوتتى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات