+7 (701) 759 90 19
0 °С : نۇر-سۇلتان
9 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

چەمپيوندار ليگاسى: «لەيپتسيگ» جارتىلاي فينالعا شىقتى

14 تامىز 09:58
:ءبولىسۋ
چەمپيوندار ليگاسى: «لەيپتسيگ» جارتىلاي فينالعا شىقتى

نۇر-سۇلتان. قازاقپارات - UEFA چەمپيوندار ليگاسى جارتىلاي فينالىنا شىققان ەكىنشى كوماندا بەلگىلى بولدى، دەپ حابارلايدى قازاقپارات ءتىلشىسى.

بۇگىن «لەيپتسيگ» (گەرمانيا) مەن «اتلەتيكو مادريد» (يسپانيا) كوماندالارى شەبەرلىك بايقاستى. ەكەۋىنىڭ دە دەڭگەيى قاتارلاس. سوندىقتان بۇل كەزدەسۋدە كىمنىڭ جەڭەتىنىن الدىن-الا بولجاۋ وڭايعا سوققان جوق.

ويىننىڭ ءبىرىنشى كەزەڭىندە «لەيپتسيگ» كومانداسى دوپ ۇستاۋ جونىنەن باسىم ەكەنىن بايقاتتى.

دەگەنمەن ەكەۋى ءبىر-ءبىرىنىڭ قاقپاسىنان ساڭىلاۋ تابا العان جوق. ەكىنشى كەزەڭنىڭ 50-مينۋتىندا «لەيپتسيگ» ويىنشىسى دانيەل ولمو ەسەپ اشسا، «اتلەتيكو مادريد» ساپىنان جواۋ فەليكس 71-مينۋتتا پەنالتيدەن تارازى باسىن تەڭەستىردى. ال 88-مينۋتتا «لەيپتسيگ» قايتادان العا شىقتى. جەڭىس گولىن تايلەر ادامس سوعىپ كەتتى.

وسىلايشا «لەيپتسيگ» 2:1 ەسەبىمەن جەڭىسكە جەتىپ، جارتىلاي فينالعا جولداما الدى. ەندى ولار 18- تامىزدا «پاري سەن-جەرمەن» (فرانسيا) كومانداسىمەن كەزدەسەدى.

فرانسيالىق كلۋب كەشە «اتلانتا» (يتاليا) كومانداسىن جەڭگەن ەدى. ال 14- تامىزدا «بارسەلونا» (يسپانيا) مەن «باۆاريا» (گەرمانيا)، 15- تامىزدا «مانچەستەر سيتي» (انگليا) مەن «ليون» (فرانسيا) كوماندالارى شەبەرلىك بايقاسادى. جەڭىمپاز كوماندالار جالعىز ويىن ناتيجەسىمەن بەلگىلى بولادى.

ەستەرىڭىزگە سالا كەتەلىك، چەمپيوندار ليگاسىنىڭ قالعان بولىگى پورتۋگاليا استاناسى - ليسسابون قالاسىندا وتەدى. ول سەگىزدىك فينالى فورماتىندا بولادى. جارتىلاي فينال 18-19، فينال 23- تامىز كۇندەرى وتكىزىلەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات