+7 (701) 759 90 19
8 °С : نۇر-سۇلتان
5 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

باسى داۋعا قالعان الماتى وبلىسىنىڭ باس سانيتارلىق دارىگەرى حالىقتان كەشىرىم سۇرادى

14 تامىز 09:10
:ءبولىسۋ
باسى داۋعا قالعان الماتى وبلىسىنىڭ باس سانيتارلىق دارىگەرى حالىقتان كەشىرىم سۇرادى

تالدىقورعان. قازاقپارات - الماتى وبلىسىنا جاڭادان تاعايىندالا سالىسىمەن باسى داۋعا قالعان باس سانيتارلىق دارىگەر نە سەبەپتى حالىقپەن دورەكى سويلەسكەنىن ءتۇسىندىردى، دەپ حابارلايدى قازاقپارات ءتىلشىسى.

«ول جەردە شىن مانىسىندە قاراپايىم تىلمەن تۇسىندىرگىم كەلدى. سونى باسقا جاعىنان بۇرمالاپ جىبەرگەن ەكەن. ەگەر شىن مانىسىندە سىرتتاي سولاي كورىنىپ تۇرعان بولاتىن بولسا، مەن حالقىمنان، ەلىمنەن كەشىرىم سۇرايمىن. موينىمەن ايتقان، ىستەگەندى موينىڭمەن كوتەرۋ كەرەك. ءبىراق بۇل جەردە شىن مانىسىندە بالاعاتتايتىنداي، بىرەۋدىڭ ار-نامىسىنا تيەتىندەي اڭگىمە بولعان جوق».

حالىقتىڭ سىنىنا قالعان ەرعالي سىدىمانوۆ الماتى وبلىسىنىڭ سانيتارلىق-ەپيدەميولوگيالىق باسقارماسىن 2005-جىلدان 2019-جىلعا دەيىن، ياعني تۋرا 14 جىل باسقارعان. ال بىلتىر ماڭعىستاۋ وبلىسىنا ءدال وسى قىزمەت بويىنشا اۋىسىپ، ول جاقتا ءبىر جىل باسشىلىق لاۋازىمدا بولىپ، كەشە عانا الماتى وبلىسىنا قايتا كەلگەن.

ماڭعىستاۋ وبلىسىندا ول ءتىپتى «ۇزدىك مەملەكەتتىك قىزمەتشى» توسبەلگىسىمەن دە ماراپاتتالىپتى.

كاسىپكەرلەرگە «باسىمدى قاتىرماشى» دەگەن باس سانيتار دارىگەردىڭ تاعدىرى قالاي بولاتىنىنا ەندى ءتيىستى ورگاندار باس قاتىراتىن بولادى.

ەستەرىڭىزگە سالا كەتەيىك، الماتى وبلىسىنا جاڭادان تاعايىندالعان باس سانيتارلىق دارىگەردىڭ كاسىپكەرلەرمەن سويلەسكەن ۆيدەوسى جەلىگە تاراپ، حالىقتىڭ اشۋىن تۋدىردى. دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ەرعالي سىدىمانوۆتىڭ حالىقپەن سويلەسۋ ادەبى بويىنشا تەكسەرۋ باستالعانىن مالىمدەدى. سونداي-اق، كاسىپكەرلەرگە «باسىمدى قاتىرماڭدار» دەگەن مەملەكەتتىڭ قىزمەتشىسىنىڭ ۇستىنەن تارتىپتىك ءىس قوزعالعانىن بۇعان دەيىن دە حابارلاعان بولاتىنبىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات