ءتارتىپ ساقشىلارىنا ءتىل تيگىزگەندەرگە قانداي شارا قولدانىلاتىنى ايتىلدى
«قىزمەتتىك مىندەتتەرىن اتقارۋ كەزىندە پوليتسەيلەر زاڭ وكىلدەرىنىڭ ارەكەتتەرىمەن كەلىسپەيتىن جانە مىنەز تانىتاتىن ازاماتتارمەن بەتپە-بەت كەلەدى. ولاردىڭ كەيبىرى پوليتسيا قىزمەتكەرلەرىنىڭ زاڭدى تالاپتارىنا بەلسەندى قارسىلىق كورسەتە وتىرىپ، كوپشىلىك الدىندا بيلىك وكىلىنە ءتىل تيگىزەدى جانە ولارعا قارسى كۇش قولدانادى. ال، قولدانىستاعى زاڭنامادا پوليتسيا قىزمەتكەرلەرىنە قارسى جاسالعان قىلمىستار ءۇشىن جاۋاپكەرشىلىك قازاقستان رەسپۋبليكاسى قىلمىستىق كودەكسىنىڭ ارنايى نورمالارىمەن قاراستىرىلعان»، - دەدى الماتى وبلىسى پ د تەرگەۋ باسقارماسى باستىعىنىڭ ورىنباسارى پوليتسيا پولكوۆنيگى سامال ارعىنعازينوۆا.
ق ر قىلمىستىق كودەكسىنىڭ 380-بابىنا سايكەس بيلىك وكىلىنە قاتىستى كۇش قولدانعانى ءۇشىن ايىپپۇل، تۇزەۋ جۇمىستارى، قوعامدىق جۇمىستارعا تارتۋ، باس بوستاندىعىن شەكتەۋ، سونداي-اق ون ەكى جىلعا دەيىن باس بوستاندىعىنان ايىرۋ كوزدەلگەن.
«ءاربىر ءىس بويىنشا كۇدىكتى ادامدار مىندەتتى تۇردە ۋاقىتشا ۇستاۋ يزولياتورىنا قاماۋعا الىنادى. اعىمداعى جىلدىڭ 7 ايىندا ق ر ق ك- ءنىڭ 380-بابى بويىنشا 22 قىلمىستىق ءىس تىركەلدى، ونىڭ ىشىندە 16 سى ايىپتاۋ اكتىسىمەن سوتقا جىبەرىلدى، 6 ءىس وندىرىستە. 30 كۇدىكتىگە قاتىستى «قاماۋعا الۋ» بۇلتارتپاۋ شاراسى قابىلداندى»، - دەپ اتاپ ءوتتى سپيكەر.
مىسالى، قاراساي اۋداندىق سوتىنىڭ ۇكىمىمەن ي. ەسىمدى ازامات 5 جىلعا باس بوستاندىعىنان ايىرىلدى. ول ەرلى-زايىپتىلار اراسىنداعى وتباسىلىق-تۇرمىستىق جانجال بويىنشا كەلگەن قاراساي ا پ ب ەكى ۋچاسكەلىك پوليتسيا ينسپەكتورىنا پىشاق قولدانۋ ارقىلى قارسىلىق كورسەتكەن جانە ءبىر ءتارتىپ ساقشىسىنا دەنە جاراقاتىن سالعان.
«كوپتەگەن جاعدايلاردا كەيبىر ازاماتتار اگرەسسيۆتى قارسىلىق كورسەتەدى، قىزمەتكەرلەردى ارانداتۋعا تىرىسادى، ءتىپتى ومىرىنە قاۋىپ توندىرۋمەن قورقىتادى. سونىمەن قاتار، ولار وسى ارەكەتتەردىڭ بارلىعىن ۇيالى تەلەفوندارعا تۇسىرەدى، شىن مانىندە شىنايى سەبەپتەردى بۇرمالاي وتىرىپ، وزدەرىنە ءتيىمدى تۇستاردى عانا تۇسىرەدى. زاڭسىزدىققا جول بەرمەۋ ماقساتىندا بارلىق ساقتىق شارالارىن، پوليتسيا قىزمەتكەرلەرىنىڭ زاڭدى تالاپتارىن قاتاڭ ساقتاۋعا، وكىنىشكە اكەپ سوعاتىن ارەكەتتەر جاساماۋعا شاقىرامىز»، - دەپ قورىتىندىلادى پولكوۆنيك سامال ارعىنعازينوۆا.