كارانتين تالاپتارىنا قاتىستى ءبىرقاتار وزگەرىستەر ەنگىزىلدى

شىمكەنت. قازاقپارات - شىمكەنتتە كارانتين تالاپتارىنا قاتىستى ءبىرقاتار وزگەرىستەر ەنگىزىلدى.

بۇل تۋرالى قالالىق تاۋارلار مەن كورسەتىلەتىن قىزمەتتەردىڭ ساپاسى، قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى عالىمجان ابىشيەۆ ءمالىم ەتتى، دەپ حابارلايدى قازاقپارات ءتىلشىسى.

عالىمجان ابىشيەۆتىڭ ايتۋىنشا، شاھاردىڭ باس مەملەكەتتىك سانيتاريالىق دارىگەرىنىڭ 31№ قاۋلىسى شىعىپ، 30№ قاۋلىسىنا وزگەرىستەر مەن تولىقتىرۋلار ەنگىزىلگەن.

«اتاپ ايتساق، ساۋدا ورتالىقتارىندا، ازىق-تۇلىك جانە ازىق-تۇلىك ەمەس دۇكەندەردە، قىزمەت كورسەتۋ سالاسىنداعى وبەكتىلەردە جانە ادامدار كوپ جينالاتىن ورىنداردا كۇندەلىكتى دەزينفەكتسيالىق ءىس-شارالار وتكىزۋ. وسى قاۋلىمەن قىزمەتى توقتاتىلعان نىسانداردى نەمەسە باسقا جۇمىس ۋاقىتىسى بەلگىلەنگەن نىسانداردى قوسپاعاندا بارلىق قىزمەت كورسەتەتىن نىسانداردىڭ (حيميالىق تازالاۋ، كىر جۋۋ ورىندارى، كىلەم تازالايتىن وبەكتىلەر، تەحنيكانى، كيىم، اياق كيىم جوندەۋ شەبەرحانالارى، اتەلە، گۇل، وسىمدىك تىڭايتقىشتارىن، باقشا قۇرال-سايماندارىن، قۇرىلىس زاتتارىن جانە قۇرالدارىن، راديوتاۋارلارىن ساتاتىن دۇكەندەر، كيىم جانە اياق-كيىم، دۇڭگىرشەكتەر، مەتال قابىلدايتىن ورىندار، ماقتا ءتۇتۋ سەحتارى، ۇيالى بايلانىس كەڭسەلەرى، بيزنەس-ورتالىقتارى، ادۆوكات، نوتاريۋس، بۋحگالتەر جانە كونسالتينگ كورسەتىلەتىن قىزمەتتەرى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، سوت ورىنداۋشىلارى جانە ت. ب.) جۇمىس كۇندەرى (دۇيسەنبى- جۇما) جۇمىس ۋاقىتى ساعات 09:00 دەن 18:00 گە دەيىن شەكتەلىپ، دەمالىس كۇندەرى (سەنبى، جەكسەنبى) جۇمىستارى توقتاتىلادى.

ال اۆتوجۋۋ ورىندارىنىڭ جۇمىس ۋاقىتى ساعات 09:00 دەن 21:00 گە دەيىن شەكتەلۋمەن جۇمىس ىستەۋىنە رۇقسات ەتىلدى»، - دەدى عالىمجان موتاي ۇلى.

ايتا كەتەيىك، قالادا 24- ناۋرىز بەن 12- تامىز ارالىعىندا COVID-19 ينفەكتسياسىمەن 5131 جاعداي تىركەلگەن. ونىڭ 2617 ءسى سيمپتومدى، ال 2514 ءى سيمپتومسىز. بۇگىندە ناۋقاستاردىڭ 3866 سى ساۋىعىپ، 1218 ءى ەم الۋدا. سوڭعى مالىمەتتەردى جەتكىزسەك، قالادا 12- تامىزدا ينفەكتسيانىڭ 10 جاعدايى تىركەلىپ، ءوسىم %0,2 قۇراپ وتىر.