ءبىر وتباسىنان ءتورت ادام مينيستر بولدى

None
None
نۇر-سۇلتان. قازاقپارات - شري-لانكادا ءۇش باۋىر جانە سول باۋىرلاردىڭ بىرەۋىنىڭ بالاسى مينيستر بولدى، - دەپ حابارلايدى Reuters.

شري-لانكا پرەزيدەنتى گوتابايا رادجاپاكسا سارسەنبى كۇنى ءوزىنىڭ اعاسى ماحيندا رادجاپاكسا ءتوراعالىق ەتەتىن مينيسترلىكتەر كابينەتىندە قىزمەتكە تاعايىندالعان تاعى ەكى تۋىسىنىڭ ەسىمىن ايتتى.

ەندى كابينەتتىڭ 26 مۇشەسىنىڭ تورتەۋى رادجاپاكسا وتباسىنان. سونداي-اق پرەزيدەنتتىڭ ۋاكىلەتتىگىندە قورعانىس ءمينيسترى لاۋازىمى قالدى، ال ونىڭ ۇلكەن اعاسى قارجى، قالانى دامىتۋ جانە بۋددا ىستەرى جونىندەگى مينيستر بولدى.

تاعى ءبىر اعاسى شامال رادجاپاكسا يرريگاتسيا ءمينيسترى بولىپ تاعايىندالدى. ال پرەمەر-ءمينيستردىڭ بالاسى نامال رادجاپاكسا جاستار ءىسى جانە سپورت ءمينيسترى بولدى.

ال 71 جاستاعى گوتابايا رادجاپاكسا وتكەن جىلدىڭ قاراشاسىندا شري-لانكا پرەزيدەنتى بولدى.

سوڭعى جاڭالىقتار