21:45, 13 - تامىز 2020 | GMT +6
قىتايدا تاۋىق قاناتتارىنان كوروناۆيرۋس انىقتالدى
نۇر-سۇلتان. قازاقپارات - قىتايدا مۇزداتىلعان تاۋىق قاناتتارىنان كوروناۆيرۋس انىقتالدى، - دەپ حابارلايدى Globaltimes.
باسىلىمنىڭ مالىمەتىنشە، كوروناۆيرۋس 12-13- تامىزدا وڭتۇستىك امەريكادان، سونىڭ ىشىندە برازيليا مەن ەكۆادوردان اكەلىنگەن ونىمدەردەن تابىلعان. قاناتتار قىتايدىڭ بىرنەشە پروۆينتسياسىنا جەتكىزىلگەن.
ب ا ق مالىمەتىنە سۇيەنسەك، شىلدە ايىنىڭ باسىنان باستاپ قىتايدىڭ جەتى قالاسى مۇزداتىلعان تەڭىز ونىمدەرىنىڭ قاپتاماسىندا ۆيرۋستىڭ انىقتالعانى تۋرالى حابارلاعان.
كەيبىر ساراپشىلاردىڭ پىكىرىنشە، ونىمدەر ادەتتە تومەن تەمپەراتۋرادا ساقتالادى، سالدارىنان بۇل ۆيرۋستىڭ ءومىر سۇرۋىنە قولايلى جاعداي تۋدىرۋى مۇمكىن.