قازاقپاراتتىڭ ءداستۇرى زامان تالابىنا ساي جاڭعىرىپ، جاڭارىپ وتىرادى - داۋرەن ابايەۆ
«سىزدەردى اگەنتتىكتىڭ ءجۇز جىلدىق مەرەيتويىمەن شىن جۇرەكتەن قۇتتىقتايمىن! عاسىرلىق تاريحى بار «قازاقپارات» - حالىقارالىق دارەجەگە يە بولعان وتاندىق العاشقى اقپارات اگەنتتىگى. قازاقستانداعى جانە دۇنيە جۇزىندەگى جاڭالىقتاردى بۇقاراعا دەر كەزىندە جەتكىزىپ، سەنىمدى مالىمەتپەن قامتاماسىز ەتۋ - اگەنتتىكتىڭ اينىماس قاعيداسى. ەلىمىزدىڭ مەديا كەڭىستىگىندە وزىندىك ورنى بار ۇجىمنىڭ ءداستۇرى زامان تالابىنا ساي جاڭعىرىپ، جاڭارىپ وتىرادى»، - دەدى داۋرەن ابايەۆ.
سونداي-اق، قۇتتىقتاۋدا «قازاقپارات» جۋرناليستەرى اقپارات مايدانىنىڭ ۇنەمى الدىڭعى شەبىنەن تابىلىپ كەلە جاتقانى ايتىلادى.
«قازاقپارات» جۋرناليستەرى اقپارات مايدانىنىڭ ۇنەمى الدىڭعى شەبىنەن تابىلىپ، مەملەكەتتىك مۇددە مەن كاسىبي شەبەرلىكتى ۇتىمدى ۇشتاستىرىپ كەلەدى. الداعى ۋاقىتتا دا جاعىمدى جاڭالىقتىڭ جارشىسى بولا بەرەتىندەرىڭىزگە سەنىمىم مول. سىزدەرگە زور شىعارماشىلىق تابىس تىلەيمىن! قالامدارىڭىز ۇشقىر، ەڭبەكتەرىڭىز جەمىستى بولسىن!»، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.