اقپارات مينيسترلىگى «رۋحاني جاڭعىرۋ» باعدارلاماسىن جاڭا جاعدايعا بەيىمدەمەك
بۇل تۋرالى ق ر اقپارات جانە قوعامدىق دامۋ ۆيتسە- ءمينيسترى بولات تىلەپوۆ ايتتى، دەپ حابارلايدى قازاقپارات ءتىلشىسى.
«قازىرگى تاڭدا مينيسترلىكتىڭ الدىندا «رۋحاني جاڭعىرۋ» باعدارلاماسىن جاڭا جاعدايعا بەيىمدەيتىن ءبىرقاتار مىندەت تۇر. ونىڭ نەگىزگىسى - بۇل ۇلتتىق ەرەكشەلىكتى ساقتاي وتىرىپ، قازاقستاندىقتاردىڭ قازىرگى زامانعى سىن- تالاپتارعا توتەپ بەرە الاتىن جانە جەكە كاسىبي قاسيەتتەرىن دامىتاتىن ءىس- شارالار. بۇل رەتتە ءبىزدىڭ قولىمىزدا قازىرگى تاڭدا بىرنەشە ارنايى جوبانىڭ نۇسقالارى بار. ماسەلەن، پراگماتيكالىق ءومىر سالتىن دارىپتەيتىن، ۇنەم قۋاتى ۇمىت بولعان، ءبىراق، ىزگىلىك جانە تاربيەلىك قۇندىلىق تۇرعىسىنان قازىرگى زاماندا وزەكتى بولىپ سانالاتىن سالت- سانانى دارىپتەيتىن «ءداستۇر مەن عۇرىپ»، ەلدىڭ قۇقىقتىق مادەنيەتىن اشاتىن «قۇقىقتىق مادەنيەت»، ەڭبەكقورلىق، ماسىلدىقتان باس تارتۋ سياقتى قاسيەتتەردى دارىپتەيتىن «ەڭبەك ەلدىڭ مۇراتى» دەگەن باستامالار بار»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ۆيتسە- ءمينيستردىڭ ايتۋىنشا، ولاردىڭ قامتيتىن تاقىرىپتىق اياسى اتاۋىنان الدەقايدا كەڭ. اتاپ ايتقاندا، وعان وسكەلەڭ ۇرپاقتىڭ مىنەز- قۇلقىن قالىپتاستىرۋ، سالاۋاتتى ءومىر سالتى مادەنيەتى، ەستەتيكالىق تالعامعا باۋلۋ، ياعني تاماقتانۋ مادەنيەتىنەن باستاپ مۋزىكا، ادەبيەت، تەاتر سياقتى تەرەڭ دۇنيەلەردى قابىلداۋ، ازاماتتاردىڭ ءوزڭىنىڭ قاراپايىم قۇقىقتارىن قورعاي ءبىلۋى، كاسىپ جاساۋ سياقتى قابىلەتتەرىن ارتتىرۋ جانە باسقالارى كىرەدى.
«مىسالعا الار بولساق، وتكەندە ەل پرەزيندەتىنىڭ كوتەرگەن ۇلكەن باستاماسى - قوعامنىڭ ەكولوگيالىق ساۋاتىن اشۋ مەن ەكومادەنيەتىن كوتەرۋ ماسەلەسى دە كىرەدى. نەمەسە «كىتاپ سۇيەر ۇلت» ۇرانىمەن جاستاردى، اسىرەسە، مەكتەپ جاسىنداعى بالالاردى كىتاپ وقۋعا باۋلۋدىڭ ماڭىزى زور. ويتكەنى، وزدەرىڭىز بىلەسىزدەر، كىتاپ قاشاندا رۋحاني كەمەلدىكتىڭ بىردەن- ءبىر ولشەمى بولعان، بولا دا بەرمەك»، - دەدى بولات تىلەپوۆ.
اۆتور: مارلان جيەمباي