قازاقپاراتقا ۇلكەن تابىستار تىلەيمىن - جاپونيالىق اقپارات اگەنتتىگىنىڭ پرەزيدەنتى
«حانىمدار مەن مىرزالار، سالەمەتسىزدەر مە؟! مەن Kyodo News پرەزيدەنتى تورۋ ميزۋتانيمىن. كيودو اتىنان قازاقستان رەسپۋبليكاسىنىڭ «قازاقپارات» حالىقارالىق اقپارات اگەنتتىگىن 13- تامىز كۇنى قۇرىلعانىنا 100 جىل تولۋىمەن شىن جۇرەكتەن قۇتتىقتايمىن. قازاقپاراتقا الداعى جىلدارى ۇلكەن تابىستار تىلەيمىن. 2020 -جىلى الەمدى ءدۇر سىلكىندىرگەن جاعداي - كوروناۆيرۋس پاندەمياسى ورىن الدى. ءبىر عاسىردا ءبىر رەت قايتالاناتىن بۇل قۇبىلىس ءالى كۇنگە دەيىن الەم جاڭالىقتارىنىڭ باس تاقىرىبىنا اينالىپ وتىر. مەن وسى جازدا توكيودا وتكەن وليمپيادا جانە پاراليمپيادا ويىندارىندا قازاقستاندىقتاردى كورەمىن دەپ ۇمىتتەنگەنمىن. الايدا الەمدە مىناداي وقيعا ورىن الدى. ەندىگى جەردە حالىقارالىق قاۋىمداستىق كوروناۆيرۋستىق داعدارىستى ەڭسەرەدى دەگەن ۇمىتپەن كەلەسى جىلعى كەزدەسۋدى اسىعا كۇتەمىن. سيفرلاندىرۋ جاھاندىق ماسشتابتا تەز تارالاتىندىقتان ءوز كەزەگىندە سمارتفوندار ۇسىناتىن جاڭا دا ىڭعايلى قۇرالدار پايدالانۋشىلارعا ۇلكەن اقپارات الماسۋعا مۇمكىندىك بەردى. الايدا پايداسىمەن قاتار زيانى دا بىرگە جۇرەتىندىكتەن، جالعان جاڭالىقتار سياقتى پروبلەمالاردىڭ بۇكىل الەمدە پايدا بولا باستاعانى دا بەلگىلى. وسى تاڭدا كوروناۆيرۋستىق داعدارىس اقپاراتتىق اگەنتتىكتەردىڭ شىنايى جانە ناقتى جاڭالىقتاردى تەز جەتكىزۋدەگى قىزمەتى مەن ءرولى بۇرىنعىدان دا ماڭىزدى ەكەندىگىن دالەلدەي ءتۇستى. الەمدىك مەديا يندۋستريا مەن جۋرناليستيكانىڭ ودان ءارى دامۋىن كورەمىن دەگەن ۇمىتپەن قازاقپاراتتى 100 جىلدىق مەرەيتويىمەن قۇتتىقتاعانىما شىن جۇرەكتەن قۋانىشتىمىن. نازارلارىڭىزعا راقمەت!»، - دەدى تورۋ ميزۋتانيمىن ۆيدەوقۇتتىقتاۋدا.