ەلوردادا ەسىرتكى زەرتحاناسىن اشقان ءۇش قازاقستاندىق پەن ءبىر شەتەلدىك ۇستالدى
30-31- شىلدەدە ق ر ۇ ق ك نۇر-سۇلتان قالاسى بويىنشا دەپارتامەنتى ەكونوميكالىق تەرگەۋ دەپارتامەنتىمەن جانە ق ر ءى ءى م ۇلتتىق ۇلانىنىڭ «بۇركىت» ارنايى ماقساتتاعى بولىمشەسىمەن بىرلەسىپ جۇرگىزگەن ارنايى وپەراتسيا ناتيجەسىندە قازاقستان رەسپۋبليكاسىنىڭ ءۇش ازاماتى مەن ءبىر شەتەلدىكتى ۇستادى.
«كۇدىكتىلەردىڭ اقمولا وبلىسىنىڭ اۋماعىندا كەيىننەن نۇر-سۇلتان قالاسىندا تاراتىلعان پسيحوتروپتىق زاتتاردى وندىرەتىن جاسىرىن زەرتحانا ۇيىمداستىرۋعا جانە ونىڭ جۇمىس ىستەۋىنە قاتىسى بار. ەسىرتكىنى ساتۋ وسى ماقساتتا قۇرىلعان ينتەرنەت جەلىسىنىڭ «Deep Web، Darknet» كولەڭكەلى سەگمەنتىنىڭ پلاتفورماسىندا «قويىلما» دەپ اتالاتىن جولمەن جۇزەگە اسىرىلعان».
ءتىنتۋ بارىسىندا ەسىرتكى مەن پسيحوتروپتىق زاتتار، سونداي-اق ولاردى جاساۋ كەزىندە قولدانىلاتىن حيميالىق رەاگەنتتەر مەن جابدىق تابىلدى.
ۇستالعان ادامدار ق ر ۇ ق ك تەرگەۋ يزولياتورىنا قامالدى. قازىر سوتقا دەيىنگى تەرگەپ-تەكسەرۋ جۇرگىزىلىپ جاتىر.