قازاقپارات - ۋاقىت سىنىنان سۇرىنبەي وتكەن ەلىمىزدىڭ باستى اقپارات قۇرالى - ايدا بالايەۆا

None
None
نۇر-سۇلتان. قازاقپارات - قازاقستان رەسپۋبليكاسى اقپارات جانە قوعامدىق دامۋ ءمينيسترى ايدا بالايەۆا «قازاقپارات» حالىقارالىق اقپارات اگەنتتىگىنىڭ ۇجىمىن ءبىر عاسىرلىق مەرەيتويىمەن قۇتتىقتادى.

«اقپارات ايدىنىنداعى قارقىنى مەن تىنىمسىز تىرلىكتىڭ اۋقىمى جونىنەن ەلىمىزدەگى جەتەكشى اگەنتتىككە اينالا بىلگەن - «قازاقپارات» حالىقارالىق اقپارات اگەنتتىگى ۇجىمىن ءبىر عاسىرلىق مەرەيتويىمەن قۇتتىقتايمىن! وبەكتيۆتى جانە سەنىمدى اقپارات كوزى بولعان اگەنتتىكتىڭ عاسىرلىق تاريحى قازاقستان تاريحىمەن تىعىز بايلانىستى. ەگەر ءبىر كەزدەرى «قازاقپارات» اگەنتتىگى انا تىلىمىزدەگى اقپاراتتىڭ دامۋى مەن تارالۋىنا باعا جەتپەس ۇلەس قوسسا، بۇگىندە ول وتاندىق جۋرناليستيكا مەن قوعامنىڭ دامۋىنا ولشەۋسىز ەڭبەك ءسىڭىرىپ جاتىر. سوندىقتان دا «قازاقپارات» تۋرالى ۋاقىت سىنىنان سۇرىنبەي وتكەن بەدەلدى ءارى ەلىمىزدىڭ باستى اقپارات قۇرالى دەپ ايتۋعا بولادى»، - دەپ جازدى ايدا بالايەۆا قۇتتىقتاۋىندا.

مينيستر اگەنتتىك جۋرناليستەرى جاڭا تەحنولوگيا مەن مەديا تالاپتارىن قولدانا وتىرىپ، حالىققا شىنايى اقپارات ۇسىنۋدا كاسىبيلىگىمەن تانىلىپ جۇرگەنىن اتاپ ءوتتى.

«بۇل تۇرعىدا «قازاقپارات» ح ا ا الداعى ۋاقىتتا دا مەملەكەت مۇددەسى مەن قوعام دامۋىنا لايىقتى ۇلەسىن قوساتىن قۋاتتى قۇرال بولىپ قالا بەرەدى دەپ سەنەمىن. شىعارماشىلىقتىڭ شىڭىنا ۇمتىلىپ، جاقسى جاڭالىقتىڭ جارشىسى بولىڭىزدار! مينيسترلىك اتىنان قازاقپارات اگەنتتىگىنىڭ بارشا قىزمەتكەرلەرىنە تولايىم تابىس پەن ساتتىلىك تىلەيمىن!»، - دەدى ايدا بالايەۆا.

سوڭعى جاڭالىقتار