+7 (701) 759 90 19
-11 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

اسقار مامين: «قازاقپارات» ح ا ا اقپارات تاراتۋ ىسىندە العاشقى قارلىعاشتاردىڭ ءبىرى

13 تامىز 11:12
:ءبولىسۋ
اسقار مامين: «قازاقپارات» ح ا ا اقپارات تاراتۋ ىسىندە العاشقى قارلىعاشتاردىڭ ءبىرى

نۇر-سۇلتان. قازاقپارات - قازاقستان رەسپۋبليكاسىنىڭ پرەمەر-ءمينيسترى اسقار مامين «قازاقپارات» حالىقارالىق اقپارات اگەنتتىگىنىڭ ۇجىمىن 100 جىلدىق مەرەيتويمەن قۇتتىقتادى.

«قۇرمەتتى قالامگەرلەر، اگەنتتىك قىزمەتكەرلەرى! سىزدەردى «قازاقپارات» حالىقارالىق اقپارات اگەنتتىگىنىڭ 100 جىلدىق تورقالى تويىمەن قۇتتىقتايمىن! ەلىمىزدەگى ەڭ بايىرعى ءارى حالىقارالىق دارەجەگە يە بولعان العاشقى اقپاراتتىق اگەنتتىك «قازاقپاراتتىڭ» مەرەيلى مەرەكەسى وتاندىق جانە شەتەلدىك وقىرمان قاۋىمىنىڭ بارشاسىنا ورتاق. وتكەن عاسىردىڭ باسىندا اقپارات تاراتۋ ىسىندە العاشقى قارلىعاشتاردىڭ ءبىرى بولعان اگەنتتىك تاريحى ۇلتتىڭ تۇتاس ءبىر ءداۋىرىنىڭ شەجىرەسى مەن اسىل قازىناسىن تۇگەندەي وتىرىپ، بۇگىندە الەمدىك اقپارات كەڭىستىگىندەگى زاماناۋي، باسەكەگە قابىلەتتى بيىك مىنبەرگە اينالدى. بۇل رەتتە قارا شاڭىراقتا قولتاڭبالارى قالعان ۇلت قايراتكەرلەرىنىڭ، كورنەكتى تۇلعالارىنىڭ، بىرنەشە بۋىن جۋرناليستەردىڭ، كاسىبي ىسىنە شىنايى بەرىلگەن سىزدەردەي ىرگەلى ۇجىمنىڭ ەڭبەگىن ەرەكشە اتاپ وتكىم كەلەدى»، - دەپ جازدى پرەمەر-ءمينيسترى قۇتتىقتاۋىندا.

ول الەمدە بولىپ جاتقان سان الۋان وقيعالاردى، ەلىمىزدەگى ساياسي، الەۋمەتتىك-ەكونوميكالىق رەفورمالاردى، قوعامدىق ومىردەگى جاڭالىقتاردى، جۇرتشىلىققا كەڭىنەن ناسيحاتتاپ، شىنايى جەتكىزۋدە اعا اگەنتتىكتىڭ حالىقارالىق مەديا - كەڭىستىكتەگى ورنى قاشان دا كوش ىلگەرى بولاتىنىنا سەنىمدى ەكەنىن جەتكىزدى.

«ابىزدىق بەلەسكە شىققان مەرەيتويلارىڭىز قۇتتى بولسىن! تۇراقتى وقىرماندارىڭىزدىڭ قاتارى ەسەلەي ءوسىپ، ەڭبەكتەرىڭىز جانا بەرسىن. ۇجىمعا زور دەنساۋلىق، شىعارماشىلىق شابىت، تولايىم تابىس تىلەيمىن!»، - دەدى اسقار مامين.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات