ماسكەۋدە اباي ەسكەرتكىشىنىڭ جانىندا بىرەگەي ينستاللياتسيا ۇسىنىلدى
رەسەيدەگى قازاقستان ەلشىسى ەرمەك كوشەربايەۆتىڭ باسشىلىعىمەن ەلشىلىك ديپلوماتتارى، سونىمەن قاتار قازاق مادەنيەتىنىڭ ماسكەۋدەگى قوعامداستىعىنىڭ وكىلدەرى رەسەي استاناسىنداعى «چيستىە پرۋدى» بۋلۆارىنداعى ۇلى قازاق اقىنى ءھام ويشىلىنىڭ ەسكەرتكىشىنە گۇل شوقتارىن قويدى.
ديپلوماتتار اقىن شىعارماشىلىعىنىڭ ارقاسىندا پۋشكين، لەرمونتوۆ، گەتە، بايرون، شيللەردىڭ جانە باسقا دا الەمدىك مادەنيەت وكىلدەرىنىڭ شىعارمالارى قازاق تىلىندە سويلەگەنىن اتاپ ءوتتى. ءىس-شارا اياسىندا ەلشىلىك قىزمەتكەرلەرى ابايدىڭ قارا سوزدەرىن وقىپ، ايگىلى «جەلسىز تۇندە جارىق اي» ءانىن ايتتى. سونداي-اق، ەلشىلىك اباي مەرەيتويىنا ارنايى رۋنەتتە abai175.ru سايتىن تانىستىردى، وندا ۇلى اقىننىڭ ءومىرى مەن شىعارماشىلىعى جايلى اقپارات توپتاستىرىلعان.
سونداي-اق، اباي ەسكەرتكىشىنىڭ جانىندا بىرەگەي ينستاللياتسيا ۇسىنىلدى. ۇلى قازاق اقىنىنىڭ سۋرەتى سالىنعان كولەمدى پازل قازاقستاندىق بالالاردىڭ 200 سۋرەتىنەن قۇرالعان. ولار اقىننىڭ 175 جىلدىعىنا وراي وتكىزىلگەن كوپتەگەن كونكۋرس ناتيجەسى بويىنشا ىرىكتەلدى.
شارانى قازاقستاننىڭ رەسەيدەگى ەلشىلىگى، رەسەيدىڭ قازاقستانداعى ەلشىلىگى، «رەسەيدىڭ مادەني ماۋسىمدارى» قورى، قازاقستانداعى رەسەي ىنتىماقتاستىعى وكىلدىگى، بالالار ونەر مەكتەبى - يۋنەسكو كلۋبى (نۇر-سۇلتان ق.)، قازاقستانداعى پەداگوگ سۋرەتشىلەردىڭ حالىقارالىق وداعى، «بالالار الەمدى بەينەلەيدى» قورى (قازاقستان)، «جامبىل دارىنى» ورتالىعى - يۋنەسكو كلۋبى (تاراز ق.)، «لورد» ليتسەيى (پەتروپاۆل ق.). قازاقستاننىڭ رەسەيدەگى ەلشىسى ەرمەك كوشەربايەۆ ناۋقان وتكىزىلىپ جاتقان ورىننىڭ ماڭىزدىلىعىن اتاپ ءوتتى.
ديپلومات اقىننىڭ قارا سوزدەرى بۇگىنگى تاڭدا دا وزەكتى ەكەنىن، ويتكەنى تۇرعىلىقتى جەرىنە قاراماستان بارلىق ادامدار ءۇشىن تۇسىنىكتى ەكەنىن اتاپ ءوتتى. ماسكەۋدىڭ سىرتقى ەكونوميكالىق جانە حالىقارالىق بايلانىستار دەپارتامەنتى باسشىسىنىڭ ورىنباسارى الەكسەي بوندارۋك رەسەي استاناسىمەن قازاقستاندى ەرەكشە جىلى، ءتيىمدى جانە دوستىق قاتىناستار بايلانىستىراتىنىن اتاپ ءوتتى.
«ماسكەۋلىك رەتىندە مەن ءۇشىن قازاق حالقىمەن ارامىزداعى دوستىق قاتىناستار كوبىنەسە ابايدىڭ شىعارماشىلىعىنا نەگىزدەلەتىنىن سەزىنۋ ماڭىزدى. بالكىم، 1941-جىلى ورىس جانە قازاق حالىقتارىنا ماسكەۋدى قورعاپ قالۋعا جاردەمدەسكەن «بولات قىلىش» ابايدىڭ ورىس كلاسسيكتەرىن اۋدارعان تۋىندىلارىنا نەگىزدەلگەن بولار. مەن ماسكەۋلىك رەتىندە وسىنداي كەرەمەت ۇلى تۇلعانى قاتتى قۇرمەتتەيمىن»، - دەپ اتاپ ءوتتى بوندارۋك.
