الماتىدا كوروناۆيرۋسقا قاتىستى احۋال تۇراقتالدى - اكىم
بۇل تۋرالى الماتى تەلەارناسىندا وتكەن تىكەلەي ەفير بارىسىندا قالا اكىمى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.
ساعىنتايەۆتىڭ ايتۋىنشا، 4№ جانە 7№ قالالىق اۋرۋحانالار بۇرىنعى جۇمىس باعىتىنا كوشتى. باسقا نىساندار ءوز جۇمىسىنا كەزەڭ-كەزەڭىمەن اۋىسادى. ونىڭ ايتۋىنشا، كۇزدە ۆيرۋستىڭ ەكىنشى تولقىنى باستالعان جاعدايدا بارلىق ستاتسيونارلار ك ۆ ي گوسپيتالىنە اۋىستىرۋ جوسپارى جاسالدى.
«كۇنىندە 200 ادام اۋرۋحاناعا جاتقىزىلعان جاعدايدا ءبىز ك ۆ ي گوسپيتالدەرىن ىسكە قوسا باستايمىز. بىزدە اۋرۋدىڭ شارىقتاۋ شەگىندە 500 دەن اسا ادامدى جاتقىزعان ۋاقىت بولدى. بۇل دەنساۋلىق ساقتاۋ جۇيەسىنە ۇلكەن اۋىرلىق كەلتىرەدى. جوسپارعا سايكەس ستاتسيونارلار 2-3 كۇن ىشىندە ك ۆ ي اۋرۋحاناسى بولىپ شىعۋعا دايىن بولۋى ءتيىس»، - دەدى ساعىنتايەۆ. سونىمەن قاتار، ءبىرىنشى مەديتسينالىق سانيتارلىق كومەك كورسەتەتىن ەمحانا قىزمەتكەرلەرىنىڭ دە جۇمىسى كۇشەيتىلەدى.
ۋچاسكەلىك دارىگەرلەر قاۋىپ توبىنا كىرەتىن ادامداردى ەسەپكە الۋى كەرەك. ساۋالناما جاۋاپتارىنا سايكەس ك ۆ ي اۋىرعان ناۋقاستاردىڭ %55 ى ۇيىندە ەمدەلگەن، %31 - جەكەمەنشىك ەمحانالارعا جۇگىنگەن، %14 — تىركەلگەن ەمحانالارعا قارالعان.
«سوعان سايكەس ءبىز كۆي جۇقتىرعان ادام قالاي ەمدەلەتى تۋرالى جادناما جاساپ جاتىرمىز. امبۋلاتوريالىق تۇردە ەمدەلەتىن پاتسيەنتتەردى ءدارى دارمەكپەن تولىق قامتيمىز. ول ءۇشىن 5 ميلليارد تەڭگەگە تۇراقتاندىرۋ قورى جاسالعان»، - دەدى قالا اكىمى.