الەكسەي سوي الماتى وبلىسى باس سانيتارلىق دارىگەرىنە قاتىستى تەكسەرۋدى باستاۋدى تاپسىردى
بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ءوزىنىڭ Facebook پاراقشاسىندا جازدى، دەپ حابارلايدى قازاقپارات.
ەسكە سالا كەتسەك، بۇدان بۇرىن الەۋمەتتىك جەلىدە شەنەۋنىكتىڭ تالدىقورعان كاسىپكەرلەرىمەن بولعان كەزدەسۋىنىڭ ۆيدەوسى تاراتىلعان بولاتىن. قالا تۇرعىندارى جۇزدەسۋ بارىسىندا باس سانيتارلىق دارىگەردىڭ دورەكى تانىتقاندىعىنا شاعىمدانعان ەدى.
«بۇگىن ق ر دەنساۋلىق ساقتاۋ ءمينيسترى الەكسەي سوي ينتەرنەتتە جانە ب ا ق- تا جاريالانعان ۆيدەونى زەرتتەدى. ول ازاماتتاردىڭ رەنىشىنە تۇسىنىستىكپەن قاراپ، مۇنداي ارەكەت مەملەكەتتىك قىزمەتشىگە لايىقسىز دەپ ەسەپتەيدى. وسى ورايدا دەنساۋلىق ساقتاۋ ءمينيسترى الماتى وبلىسىنىڭ باس سانيتارلىق دارىگەرىنە قاتىستى قىزمەتتىك تەكسەرۋدى باستاۋدى تاپسىردى»، دەلىنگەن حابارلامادا.
باعدات قوجاحمەتوۆ تەكسەرۋدىڭ جالعاسىپ جاتقاندىعىن جانە ونىڭ قورىتىندىسى تۋرالى دەنساۋلىق ساقتاۋ مينيسترلىگىنىڭ مەديا ورتالىعى ءوزىنىڭ رەسمي سايتىندا جانە الەۋمەتتىك جەلى اككاۋنتتارىندا حابارلايتىندىعىن اتاپ ءوتتى.