قازاقستاندا درونعا قارسى تۇراتىن قارۋ قۇراستىرىلدى
مامانداردىڭ ايتۋىنشا، ساپاسى شەتەلدىك نۇسقالارىنان ەداۋىر ارتىق. بۇل قارۋمەن ءۇشارال گارنيزونىنا بارعان قورعانىس ءمينيسترى تانىستى. جۇمىس ساپارى بارىسىندا نۇرلان ەرمەكبايەۆ زىمىراندى- ارتيللەريالىق قارۋ- جاراق قويمالارىن، اۆياتسيالىق اتۋ قۇرالدارىن، كازارمالار مەن كلاستاردى تەكسەردى. بۇدان بولەك مينيستر «ارميا حالىقارالىق ويىندارى» اياسىندا وتەتىن «تانك بياتلونى» سايىسىنا قاتىساتىن جاۋىنگەرلەرمەن كەزدەستى. بيىل قازاقستاندىق كوماندا وسى سايىستا عانا باق سىنايدى. قازىر دايىندىق قىزۋ.
نۇرلان ەرمەكبايەۆ، ق ر قورعانىس ءمينيسترى:
- سىزدەردىڭ دايىندىق دەڭگەيلەرىڭىز ماسكەۋ ماڭىنداعى «الابينو» پوليگونىندا لايىقتى ونەر كورسەتىپ، جۇلدەلى ورىندارعا يە بولۋعا مۇمكىندىك بەرەتىنىنە سەنىمدىمىن. سىزدەر ەڭ مىقتى كوماندالارمەن سىنعا تۇسۋلەرىڭىز كەرەك. وسىنداي جاعدايلاردا قازاقستاندىق تانك ماماندارى ارنايى دايىندىقتىڭ جوعارى دەڭگەيىن كورسەتىپ، جەڭىسكە دەگەن ەرىك- جىگەرىنىڭ ارقاسىندا ءاردايىم جۇلدەلى ورىندارعا يە بولادى!
www.24.kz