امەريكالىق اكتريسا كوروناۆيرۋستىڭ شاشقا اسەرىن كورسەتتى
اليسسا دجەين ميلانو - ايگىلى امەريكالىق اكتريسا جانە ءانشى. فيب حولليۆەللدىڭ «سيقىرلى» تەلەحيكاياسىنداعى رولىمەن تانىمال( 1998-2006 -جىلدارى شىققان) ، ول سونىمەن بىرگە «بۇل جەردە باستىق كىم؟ « جانە «كوڭىلدەستەر» سيتكومدارىندا ويناعان.
اكتريسا ءوزىنىڭ Instagram-داعى اككاۋنتىندا كوروناۆيرۋستان كەيىن ونىڭ شاشى قالاي تۇسەتىنىن كورسەتەتىن ۆيدەو جاريالادى.
«سىزدەرگە COVID-19 شاشتارىڭىزعا نە ىستەپ جاتقانىن كورسەتۋدى قالادىم. مۇنى بايىپپەن قابىلداڭىز»، - دەپ جازدى ميلانو.
كەيبىر جەلى قولدانۋشىلارى دا وسىنداي سالداردان زارداپ شەگەتىندەرىن جازدى.
«مەندە دە وسىنداي شاش ماسەلەسى بار، ءارتۇرلى دارۋمەندەردى قابىلدايمىن، ءبىراق ەشقايسىسى كومەكتەسپەيدى»، « مەنىڭ دوسىم دا سولاي! ول دا ءيىس جانە ءدام سەزىمىن جوعالتتى، شاشتارى تۇسە باستادى»، «مەنىڭ شاشىم دا سولاي بولادى. شاشىمنىڭ شامامەن 20 پايىزىن جوعالتتىم دەسەم ارتىق ايتپايمىن»، - دەپ جازدى ونىڭ جازىلۋشىلارى.
Daily Mail كوپتەگەن كلينيكالار مەن زەرتتەۋلەر COVID-19 مەن شاشتىڭ ءتۇسۋى اراسىندا بايلانىستى انىقتاعانىن جازدى. ساراپشىلاردىڭ ايتۋىنشا، COVID-19 جۇقتىرعان پاتسيەنتتەرىنىڭ كوپشىلىگى قاتتى فيزيكالىق نەمەسە ەموتسيونالدى سترەسسكە، بەزگەككە جانە قاتتى سالماق تاستاۋعا تاپ بولادى، بۇل شاشتىڭ تۇسۋىنە اسەر ەتەدى.
ينديانا ۋنيۆەرسيتەتىنىڭ مەديتسينا مەكتەبىنىڭ دارىگەرى ناتالي لامبەرت COVID-19-دىڭ اۋىر تۇرىمەن اۋىرعان ناۋقاستار اراسىندا ساۋالناما جۇرگىزىپ، 1500 دەن استام ناۋقاستىڭ 400 دەن استامىنىڭ شاشى تۇسكەنىن انىقتادى، دەپ جازدى CBS News.
بۇعان دەيىن ا ق ش- تاعى ءارتۇرلى زەرتتەۋ ورتالىقتارىنىڭ عالىمدارى كوروناۆيرۋس ادام اعزاسىنا اسەر ەتەدى دەگەن قورىتىندىعا كەلدى، ونىڭ تەرىس سالدارى كوپتەگەن جىلدار بويى اسەر ەتۋى مۇمكىن دەپ حابارلاعان.