توبىلداعى پروۆيزورلىق ەمحانادان سوڭعى ناۋقاس ساۋىعىپ شىقتى

توبىل. قازاقپارات - ەپيدەميولوگيالىق جاعدايدىڭ جاقسارۋىنا بايلانىستى توبىل قالاسىنداعى پروۆيزورلىق ورتالىق جابىلدى. ستاتسيوناردان بۇگىن سوڭعى سىرقات ەمدەلىپ شىقتى، دەپ حابارلايدى قازاقپارات وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

توبىل قالاسىنداعى پروۆيزورلىق ەمحانا 1 ايدان استام ۋاقىت ىشىندە 125 ناۋقاستى ايىقتىرعان. ستاتسيونار بۇگىن جۇمىسىن توقتاتتى.

«قازىر ستاتسيونار ىشىندە دەزينفەكتسيالىق وڭدەۋ جۇمىستارى جۇرگىزىلۋدە. جاقىن ارادا شۇعىل جانە جوسپارلى تۇردە پاتسيەنتتەردى قابىلداۋ قالىپتى جاعدايدا جالعاسادى. پروۆيزوردان شىققان ناۋقاستار اۋرۋ دەڭگەيىنە قاراي 7 كۇننەن 10 كۇنگە دەيىن قوسىمشا ەم الادى. ايىعىپ شىققاندار قازىردىڭ وزىندە مەديتسينا قىزمەتكەرلەرىنىڭ باقىلاۋىندا»، - دەيدى ۆەدومستۆونىڭ باسپا ءسوز حاتشىسى كسەنيا جيلكيبايەۆا.

ايتا كەتەيىك، بۇل پروۆيزورلىق ستاتسيونار توبىل قالاسىنداعى اۋرۋحانانىڭ اكۋشەرلىك- گينەكولوگيالىق بولىمشەسى جانىنان اشىلدى. ناۋقاستارعا 47 مەديتسينا مامانى قىزمەت كورسەتىپ، بىرنەشە اۋىسىممەن تاۋلىك بويى تىنىمسىز ەڭبەك ەتتى.