قازاقستان كوروناۆيرۋسقا قارسى رەسەيلىك ۆاكسينانى ساتىپ الا ما

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ كوروناۆيرۋسقا قارسى رەسەيلىك ۆاكسينانى ساتىپ الۋ مۇمكىندىگىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ۆاكسينا ساتىپ الۋ جايىندا ايتۋعا ءالى ەرتە. قازىرگى ساتتە ءبىز ۆاكسينا ساتىپ الۋ بويىشا بىردە- ءبىر كەلىسىمشارتقا قول قويعان جوقپىز. سەبەبى پرەپاراتتار كلينيكالىق سىناقتىڭ ءۇشىنشى فازاسىنان ءوتىپ جاتىر»، - دەدى رەسمي وكىل.

ونىڭ اتاپ وتۋىنشە، ۆاكسينانى ساتىپ الۋ ءۇشىن ول حالىقارالىق سەرتيفتيكاتتاۋدان ءوتۋى ءتيىس. «سوندىقتان دا بۇل ماسەلەگە قاتىستى ەشقانداي شەشىم جوق»، - دەدى باعات قوجاحمەتوۆ.

ەسكە سالساق، بۇعان دەيىن رەسەي كوروناۆيرۋسقا قارسى ۆاكسينانى الەمدە العاشقى بولىپ تىركەگەنى تۋرالى حابارلادىق. تامىز ايىنىڭ ەكىنشى جارتىسىندا ۇكىمەتتىك دەلەگاتسيا رەسەيلىك ۆاكسينانى ساتىپ الۋ ماسەلەسىن تالقىلاۋ ءۇشىن ماسكەۋگە بارادى.

اۆتور: مارلان جيەمباي