قازاقستاندا جاڭا كولىكتەرگە سۇرانىس دەڭگەيى بەلگىلى بولدى
بۇل تۋرالى «قاز اۆتو ونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات.
«ەسەپتى كەزەڭدە اكىمشىلىك پوليتسيا ورگاندارى 621982 اۆتوكولىكتى تىركەۋگە قويدى. اتالعان كورسەتكىش وتكەن جىلدىڭ سايكەس كەزەڭىنەن 24,7 پايىزعا كەم. ونىڭ ىشىندە 559595 ءى بىرنەشە رەت تىركەلگەندەر ۇلەسىندە، ياعني ءبىر ادامنان ەكىنشى ادامنىڭ اتىنا اۋىستىرىلعان كولىكتەر ساناتىنا جاتقىزىلدى. ءبىر جىل بۇرىنعى دەڭگەيمەن سالىستىرعاندا 27,4 پايىزعا (770 مىڭ كولىك) تومەندەدى. ال العاش رەت تىركەلگەن كولىك قۇرالدارىنىڭ سانى 62387 ءنى قۇرادى. بۇل كورسەتكىش بىلتىرعا قاراعاندا 12,5 پايىزعا جوعارى»، - دەپ اتاپ كورسەتىلگەن تاراتىلعان مالىمەتتە.
بيىلعى قاڭتار-شىلدەدە قازاقستان اۋماعىندا 26 ەلەكتروموبيل تىركەلگەن ەكەن.
«قاز اۆتو ونەركاسىپتىڭ» حابارلاۋىنشا، ەسەپتى كەزەڭدە قايتا تىركەلگەن كولىكتەردىڭ ۇشتەن ەكىسىنەن استامىن (67,6 پايىزى) پايدالانۋ مەرزىمى 10 جىلدان اسقان كولىكتەر قامتىعان.
اتاپ ايتقاندا، 20 جىلدان اسقانداردىڭ ۇلەسى 233097 كولىك (41,7 پايىز) بولسا، 11 دەن 20 جىلعا دەيىنگىلەر 26 پايىزدى (145439 كولىك) قۇرادى. ال 4 تەن 7 جىلعا دەيىنگىلەر - 96747 كولىككە (17,3 پايىز)، 8 دەن 10 جىلعا دەيىنگىلەر - 55383 كولىككە (9,9 پايىز)، 1 دەن 3 جىلعا دەيىنگى كولىك سانى 26242 گە جەتتى. سونىمەن قاتار، پايدالانۋ مەرزىمى 1 جىلعا جەتپەگەن كولىكتەردىڭ ۇلەسى 0,5 پايىز (2687 اۆتوموبيل) بولدى.