+7 (701) 759 90 19
-6 °С : نۇر-سۇلتان
-1 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

اقپارات جانە قوعامدىق دامۋ مينيسترلىگى مەشىتتەردىڭ كارانتيننەن كەيىنگى جۇمىسىن تالقىلادى

12 تامىز 12:17
:ءبولىسۋ
اقپارات جانە قوعامدىق دامۋ مينيسترلىگى مەشىتتەردىڭ كارانتيننەن كەيىنگى جۇمىسىن تالقىلادى

نۇر-سۇلتان. قازاقپارات - بۇگىن اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ قازاقستان مۇسىلماندارى ءدىني باسقارماسىنىڭ (ق م د ب) ءتوراعاسى، باس ءمۇفتي ناۋرىزباي قاجى تاعان ۇلىمەن كەزدەستى، دەپ حابارلايدى قازاقپارات.

مينيسترلىكتەن ءمالىم ەتكەندەي، كەزدەسۋدە كارانتين تالاپتارى جەڭىلدەتىلگەن كەزدە ءدىني عيماراتتاردىڭ جۇمىس ىستەۋ ماسەلەسى تالقىلاندى.

باس ءمۇفتي مەشىتتەر اشىلعان جاعدايدا ءدىني عيماراتتاعى قىزمەت سانيتارلىق نورمالاردى ساقتاي وتىرىپ جۇرگىزىلەتىنىن مالىمدەدى. ءوز كەزەگىندە ۆيتسە-مينيستر ق م د ب- نىڭ مەشىتتەردە كوروناۆيرۋس ىندەتىنىڭ تارالۋىنىڭ الدىن الۋ بويىنشا ءبىرىڭعاي ءىس-قيمىل ءتارتىبىن ازىرلەۋدىڭ ورىندىلىعىن جەتكىزدى.

م. ءازىلحانوۆ مەملەكەت پەن ءدىني بىرلەستىكتەردىڭ، اسىرەسە پاندەميا سياقتى جاھاندىق سىن- قاتەرلەر جاعدايىندا ودان ءارى ىنتىماقتاستىعى قاجەتتىگىن اتاپ ءوتتى. ۆيتسە-مينيستر ق م د ب ءتوراعاسىنا ءدىندار ازاماتتاردىڭ ءماجبۇرلى كارانتيندىك شارالارعا تۇسىنىستىكپەن قاراعانى جانە ولاردىڭ اراسىندا سانيتارلىق-ەپيدەميولوگيالىق نورمالاردى ساقتاۋدىڭ ماڭىزدىلىعىن تۇسىندىرۋدە مەملەكەتكە كومەكتەسكەنى ءۇشىن العىس ايتتى.

ءوز تاراپىنان باس ءمۇفتي بيىلعى 31- شىلدە مەن 2- تامىز ارالىعىندا وتكەن قۇربان ايت مەرەكەسى كەزىندە مينيسترلىكتىڭ كورسەتكەن قولداۋىنا العىس ءبىلدىردى.

«مينيسترلىكتىڭ كومەگىمەن ءدىني باسقارمانىڭ «Qurban2020.muftyat.kz» ارنايى سايتى ىسكە قوسىلدى، سونىڭ ارقاسىندا ازاماتتار قاشىقتان قايىرىمدىلىق جاساي العانىن نازارعا سالامىز. جالپى، قازاقستان بويىنشا مەرەكە كەزىندە 80 مىڭنان استام مۇقتاج ادام قۇرباندىق ەتىن الدى. سونداي-اق، تاراپتار دەسترۋكتيۆتى ءدىني اعىمداردىڭ ىقپالىنا تۇسكەن ازاماتتار اراسىندا ءتۇسىندىرۋ جۇمىستارىن جۇرگىزۋ ماسەلەلەرىن تالقىلادى»، - دەلىنگەن ۆەدومستۆو اقپاراتىندا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات