+7 (701) 759 90 19
-8 °С : نۇر-سۇلتان
-9 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

د د ۇ رەسەيدىڭ كوروناۆيرۋسقا قارسى ۆاكتسيناسىنا قاتىستى پىكىر ءبىلدىردى

12 تامىز 11:30
:ءبولىسۋ
د د ۇ رەسەيدىڭ كوروناۆيرۋسقا قارسى ۆاكتسيناسىنا قاتىستى پىكىر ءبىلدىردى

نۇر-سۇلتان. قازاقپارات - رەسەيدىڭ كوروناۆيرۋسقا قارسى جاڭا ۆاكتسيناسىنىڭ قاۋىپسىزدىگى مەن تيىمدىلىگى مۇقيات زەرتتەلۋى كەرەك.

بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ (د د ۇ) وكىلى تاريك يازاريەۆيچ مالىمدەدى، - دەپ حابارلايدى Tengrinews.kz ءتىلشىسى DW سايتىنا سىلتەمە جاساپ.

ونىڭ ايتۋىنشا، قازىرگى تاڭدا د د ۇ رەسەيلىك دەنساۋلىق ساقتاۋ سالاسىنا جاۋاپتى ۆەدومستۆولارمەن بايلانىستا ەكەن.

باتىس ساراپشىلارى كوروناۆيرۋسقا قارسى دۇنيە جۇزىندەگى «العاشقى رەسەيلىك ۆاكتسينانى» سىناپ تاستادى.

تاريك يازاريەۆيچ كەز كەلگەن ۆاكتسينانىڭ قاۋىپسىزدىگى مۇقيات زەرتتەلۋى كەرەگىن اتاپ ءوتتى. وسىعان دەيىن د د ۇ رەسەيدى قاۋىپسىز جانە ءتيىمدى ۆاكتسيانا جاساۋ ءۇشىن ارنايى ستاندارتتى قاتاڭ ساقتاۋعا شاقىرعان.

سونداي-اق، ا ق ش- تىڭ باس ينفەكتسيونيست دارىگەرى ەنتوني فاۋچيدىڭ پىكىرىنشە، رەسەيلىك تاراپ كوروناۆيرۋسقا قارسى ۆاكتسينانىڭ بىرنەشە نۇسقاسىن كورسەتۋگە دايىن بولعان. الايدا ولار ۆاكتسينانىڭ پايدالى جانە ءقاۋىپسىز ەكەنىنە سەنىمدى ەمەس. امەريكالىق دارىگەر رەسەي جاڭا ۆاكتسينانى دۇرىس دەڭگەيدە تەكسەرگەنىنە كۇمانمەن قارايتىنىن جەتكىزدى.

«ۆاكتسينا بولىپ، ونىڭ قاۋىپسىزدىگى مەن تيىمدىلىگىن دالەلدەۋ، ەكى بولەك دۇنيە. بىزدە كوپتەگەن ۆاكتسينا بار. ەگەر باسىمىزدى قاتەرگە تىگىپ، كوپتەگەن ادامعا زيانىمىزدى تيگىزگىمىز كەلسە، بۇل ءىستى الداعى اپتادا-اق باستار ەدىك. ارينە، ءبىز ونى قالاساق»، - دەيدى ەنتوني فاۋچي National Geographic جۋرناليسىنىڭ «رەسەيدە كوروناۆيرۋس قارسى ۆاكتسينا بار ما؟» دەگەن سۇراعىنا.

ايتا كەتەيىك، كەشە رەسەي پرەزيدەنتى ۆلاديمير پۋتين ەلدە كوروناۆيرۋسقا قارسى جاڭا ۆاكتسينا جاسالعانىن، ونى العاشقىلاردىڭ ءبىرى بولىپ، قىزى العانىن مالىمدەگەن ەدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات