+7 (701) 759 90 19
7 °С : نۇر-سۇلتان
7 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەۋروپا ليگاسى: جارتىلاي فينالعا شىققان بارلىق كوماندا انىقتالدى

12 تامىز 07:52
:ءبولىسۋ
ەۋروپا ليگاسى: جارتىلاي فينالعا شىققان بارلىق كوماندا انىقتالدى

نۇر-سۇلتان. قازاقپارات - بۇگىن UEFA ەۋروپا ليگاسى جارتىلاي فينالىنا شىققان بارلىق كوماندا بەلگىلى بولدى، دەپ حابارلايدى قازاقپارات ءتىلشىسى.

شيرەك فينالدا جولى تۇيىسكەن «شاحتەر دونەتسك» (ۋكراينا) مەن «بازەل» (شۆەيتساريا) جۇبىندا العاشقى كوماندانىڭ تاجىريبەسى مول ەكەندىگى بەلگىلى. سوندىقتان جانكۇيەرلەر ولاردىڭ جارىستى جالعاستىرۋ مۇمكىندىگى جوعارى ەكەنىنە بولجام جاسادى.

راسىندا، ۋكراينالىق كلۋب فۋتبولشىلارى باسىم وينادى. كەزدەسۋدىڭ 2-مينۋتىندا «شاحتەر دونەتسك» كلۋبىنىڭ برازيليالىق شابۋىلشىسى جۋنيور موراەس ەسەپ اشتى. ال 22-مينۋتتا ونىڭ كوماندالاس ارىپتەسى تايسون ەسەپتى ۇستەمەلەي ءتۇستى. ودان كەيىن 75-مينۋتتا الان پاتريك، پەنالتيدەن، 88-مينۋتتا دودو گول سوعىپ، قورىتىندى ەسەپتى بەلگىلەدى.

«شاحتەر دونەتسك» قارسىلاسىن 4:1 ەسەبىمەن تىزە بۇكتىردى. تاعى ءبىر كەزدەسۋ «سيەۆيليا» (يسپانيا) مەن «ۆۋلۆەرگەمپتون ۋوندەرەرس» (انگليا) كوماندالارى اراسىندا ءوتتى. ويىننىڭ 13-مينۋتىندا اعىلشىن كلۋبى ەسەپ اشاتىن مۇمكىندىگى بولعان. ولاردىڭ قاتارىنان راۋل حيمەنەس پەنالتي تەبۋدەن ءمۇلت كەتتى. ويىننىڭ 88-مينۋتىندا «سيەۆيليا» ويىنشىسى لۋكاس وكامپوس سوققان جالعىز گول كەزدەسۋ تاعدىرىن شەشتى.

وسىلايشا قارسىلاسىن 1:0 ەسەبىمەن جەڭگەن «سيەۆيليا» جارتىلاي فينالعا شىقتى.

ەستەرىڭىزگە سالا كەتەلىك، 10- تامىزدا «مانچەستەر يۋنايتەد» (انگليا) مەن «ينتەر» (يتاليا) كوماندالارى جارتىلاي فينالعا جولداما العان بولاتىن. جارتىلاي فينالدا «ينتەر» مەن «شاحتەر دونەتسك»، «مانچەستەر يۋنايتەد» پەن «سيەۆيليا» كوماندالارى شەبەرلىك بايقاسادى.

جەڭىمپاز ءبىر عانا ويىن ناتيجەسىمەن انىقتالادى. ەندى جارتىلاي فينال ويىندارى 16- 17- تامىز كۇندەرى گەرمانيانىڭ ديۋسسەلدورف، كەلن قالالارىندا وتكىزىلەدى. ال فينال 21- تامىزدا كەلن قالاسىنداعى «رەين ەنەرگي» ستاديونىندا بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات