+7 (701) 759 90 19
3 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

كارانتين: ۆەلوسيپەدتى پايدالاناتىن استانالىقتار سانى وسكەن

11 تامىز 22:46
:ءبولىسۋ
كارانتين: ۆەلوسيپەدتى پايدالاناتىن استانالىقتار سانى وسكەن

نۇر- سۇلتان. قازاقپارات - ەل ازاماتتارىنىڭ قاۋىپسىزدىگىن ساقتاۋ ماقساتىندا ەنگىزىلگەن كارانتين رەجيمىنىڭ باسقا قىرىنان دا پايداسى بار بولىپ شىقتى. اتاپ ايتقاندا، ەلوردادا قوعامدىق كولىكتەردىڭ توقتاتىلۋىنا بايلانىستى استانالىقتار ءجيى سەرۋەندەيتىن بولعان جانە ۆەلوسيپەدپەن جۇرۋگە كوشكەن.

بۇل تۋرالى CTS (City Transportation Systems) ش ج س- ءنىڭ قوعاممەن بايلانىس قىزمەتىنىڭ جەتەكشىسى وكسانا لوسكۋتوۆا ءمالىم ەتتى، دەپ حابارلايدى قازاقپارات ءتىلشىسى.

«بيىلدان باستاپ قالاداعى قوعامدىق ۆەلوسيپەد قىزمەتى ءبىزدىڭ كومپانيانىڭ قاراماعىنا كوشتى. ەندىگى ماقساتىمىز - قالا تۇرعىندارى مەن قوناقتارىنا ىڭعايلى كولىك ءتۇرىنىڭ قولجەتىمدىلىگىن ارتتىرۋ. 13 -مامىردا قالا بويىنشا 50 ستانسا جانە وندا 200 ۆەلوسيپەد بولدى. بۇگىنگى كۇنى ەلوردادا 155 ستانسادا 833 ۆەلوسيپەد بار. الداعى ۋاقىتتا تاعى 17 ۆەلوسيپەدپەن تولىعاتىن بولادى» - دەدى وكسانا لوسكۋتوۆا.

ونىڭ ايتۋىنشا، بيىل ەلوردا تۇرعىندارى مەن قوناقتارى اراسىندا ۆەلوسيپەدكە دەگەن سۇرانىس ايتارلىقتاي ارتقان.

«ەلوردادا العاش ۆەلوشەرينگ قىزمەتى 2014 -جىلى قولعا الىندى، بيىل جەتىنشى ماۋسىم. ارينە پايدالانۋشىلار جىلدان جىلعا كوبەيىپ كەلەدى. ونى كۇندەلىكتى تىركەلۋشىلەر سانىنان بايقاۋعا بولادى. كارانتيننىڭ العاشقى ساتىندە ۆەلوسيپەدتى كۇندەلىكتى 100 گە جۋىق ادام تىركەلىپ قولدانسا، قازىر پايدالانۋشىلار سانى 13 مىڭعا جۋىقتادى. بۇل دەگەنىمىز كۇنىنە 3 مىڭنان اسا ادام پايدالانادى دەگەن ءسوز. جالپى بيىل استانالىقتار اراسىندا ۆەلوسيپەدكە دەگەن سۇرانىس جوعارى. ونىڭ ۇستىنە، قوعامدىق كولىك توقتاپ تۇرعان كەزدە كوپ ادام ەكى دوڭگەلەكتى كولىك قۇرالىنا كوشتى. وسى ورايدا ايتا كەتسەك، تۇتىنۋشىلار ۆەلوسيپەد ستانساسى مەن ۆەلوسيپەدكە قاتىستى مالىمەتتەرمەن velobike.kz سايتىنان تانىسا الادى. الداعى ۋاقىتتا موبيلدىك قوسىمشا قىزمەتىن قوسۋ ماسەلەسىن دە قاراستىرىپ جاتىرمىز» ، - دەدى ول.

سونداي- اق، CTS وكىلى قوعامدىق ۆەلوسيپەدتى پايدالانۋدىڭ ەرەجەلەرىمەن تانىستىرىپ ءوتتى.

«ۆەلوسيپەدتى قولدانۋدىڭ تالاپتارىن بارلىق تۇتىنۋشىلار بىردەي ورىنداي بەرمەيدى. ياعني جول ءجۇرۋ ەرەجەسىن ساقتامايدى نەمەسە بىلمەيدى. وسى ورايدا ءبىز ءوز الەۋمەتتىك جەلىلەردەگى پاراقشامىز ارقىلى ءتۇسىندىرۋ جۇمىستارىن جۇرگىزەمىز جانە تۇتىنۋشىلاردى ورتاق مۇلىكتى ۇقىپتى ۇستاۋعا شاقىرامىز. ودان بولەك، ماماندارىمىز ۆەلوسيپەد ستانسالارىن ارالاپ، بۇزىلعان ۆەلوسيپەدتەردى جوندەپ وتىرادى. بۇل تۇرعىدا بەينەباقىلاۋ كامەراسىن ورناتۋ مەسەلەسى قارالۋدا. سول سياقتى ءبىز ۇسىناتىن ۆەلوقىزمەتتى 16 جاستان باستاپ پايدالانۋعا بولاتىنىن دا ەسكەرتكىم كەلەدى. تاعى ءبىر ماسەلە، كوپ ازاماتتارىمىز جولدان وتكەن كەزدە ۆەلوسيپەدتەن تۇسپەيدى، ال جول ەرەجەسىنە ساي ۆەلوسيپەدتەن ءتۇسىپ، جاياۋ ءجۇرىپ ءوتۋى كەرەك» ، - دەيدى مامان.

ودان بولەك، اتالعان ۇيىمنىڭ قوعاممەن بايلانىس قىزمەتىنىڭ جەتەكشىسى ۆەلوسيپەد تۇتىنۋشىلارىن قانداي ماسەلە ءجيى مازالايتىنىن ايتتى.

«بىزگە ۆەلوسيپەد ستانسالارىنا قاتىستى كوپتەگەن سۇراقتار كەلىپ تۇسەدى. ولاردىڭ بارلىعىن قاراستىرىپ، سونىڭ ناتيجەسىندە قالاداعى كەيبىر ستانسالاردى اۋىستىرۋ كەرەكتىگى انىقتالدى. ءجيى كەلىپ تۇسەتىن سۇراقتاردىڭ ءبىرى تۇرعىندار ۆەلوسيپەدتى تۇراققا قويا الماي كوپ بوگەلەتىندىكتەرىن ايتادى. ءيا، جۇيە وتە سەزىمتال، پايدالانۋشى ۆەلوسيپەدتى دۇرىس قويماسا، جالداۋ مەرزىمى اياقتالمايدى، تيىسىنشە قولدانۋشى بەرەشەك بولىپ قالادى. ونداي تەحنيكالىق اقاۋ ورىن العان جاعدايدا ءبىزدىڭ ماماندارعا حابارلاسىپ، ماسەلەنى كەدەرگىسىز شەشۋگە بولادى» ، - دەدى و. لوسكۋتوۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات