كومپيۋتەرى جوق وقۋشىلاردى قولدايتىن ارنايى سايت ىسكە قوسىلدى
بۇل تۋرالى ق ر پرەزيدەنتى جانىنداعى و ك ق وتكەن ونلاين- كونفەرەنتسيادا «مەنىڭ اتامەكەنىم» قوعامدىق بىرلەستىگىنىڭ اتقارۋشى ديرەكتورى لاززات چينكيسبايەۆا ايتتى، دەپ حابارلايدى قازاقپارات ءتىلشىسى.
«ءبىز ءبىر جىلدان استام ۋاقىتتان بەرى قازاقستان رەسپۋبليكاسى ءبىلىم جانە عىلىم مينيسترلىگىنىڭ سەرىكتەسىمىز. وتكەن جىلى ءبىز «مەكتەپكە جول» قايىرىمدىلىق جوباسىن جۇزەگە اسىردىق. وتكەن جىلى الەمگە ايگىلى قازاقستاندىق ءانشى ديماش قۇدايبەرگەن ءبىز ارقىلى ءوز كومەگىن كورسەتتى. ول وسى اكتسيا اياسىندا ارىس قالاسىنىڭ بالالارىنا قاراجات ءبولدى. ءبىز اكتسيانى جوعارى دەڭگەيدە وتكىزىپ، بالالارعا ساپالى كومەك كورسەتتىك. بيىل ەلدە ۆيرۋستىڭ تارالۋىنا بايلانىستى بالالار ساباقتى قاشىقتان وقيدى. ءبىز qoldau.edu.kz https://qoldau.edu.kz/ ۆەب- سايتىن ىسكە قوستىق. ەگەر بالاڭىزدىڭ كومەك الۋشىلار تىزىمىندە بار- جوعىن بىلگىڭىز كەلسە، بالانىڭ ج س ن- ءنىڭ سوڭعى التى سانىن ەنگىزۋىڭىز كەرەك. ءبىز ءسىزدىڭ اقپاراتىڭىزدىڭ قۇپيالىعىن ساقتاۋ ءۇشىن وسىلاي جاسادىق. ەگەر ءسىزدىڭ بالاڭىز ول تىزىمدە بولسا، وندا مەكتەبى، اۋدانى، قالا نەمەسە قاي وبلىس ەكەنى كورسەتىلەدى»، - دەيدى لاززات چينكيسبايەۆا.
سايتتا كومەك كورسەتىلەتىن 20 مىڭنان استام بالا تۋرالى مالىمەت بار.
«قازىر بۇل تىزىمدە 20 مىڭنان استام بالا بار. ءبىز بۇل بازانى قازاقستان رەسپۋبليكاسى ءبىلىم جانە عىلىم مينيسترلىگىنەن الدىق. بۇل تىزىمگە جەتىمدەر، مۇمكىندىگى شەكتەۋلى بالالار جانە اۋىل مەكتەپتەرىندەگى وقۋشىلار كىرەدى. ەگەر ءسىزدىڭ بالاڭىز بۇل تىزىمدە بولماسا، ءبىز بۇل كومەككە بەي- جاي قارامايتىن ادامداردى مۇمكىندىگىنشە تارتۋعا تىرىسامىز. ەگەر ءبىز جاساي الساق، ەكىنشى بازاعا تىركەيمىز، مۇمكىن ءسىزدىڭ بالالارىڭىز بۇل تىزىمگە ەنەدى»، - دەيدى ول.