شىمكەنت مەيرامحاناسىندا اتىس بولىپ، ءبىر ادام قازا بولدى

شىمكەنت. قازاقپارات - شىمكەنت قالالىق پوليتسيا دەپارتامەنتى مەيرامحانالاردىڭ بىرىندە بولعان اتىسقا قاتىستى اقپارات تاراتتى، دەپ حابارلايدى قازاقپارات.

«10- تامىزدا قازييەۆ كوشەسىندە ورنالاسقان «گراند- پراگا« مەيرامحاناسىندا وق اتىلدى. العان جاراقاتتارىنان جابىرلەنۋشىلەردىڭ ءبىرى وقيعا ورنىندا قازا بولىپ، ەكىنشىسى اۋرۋحاناعا جەتكىزىلدى. اتالعان جايت بويىنشا ق ر ق ك- ءنىڭ 99-بابى (ادام ءولتىرۋ) جانە ق ر ق ك 287-بابى (اتىس قارۋىن زاڭسىز ساقتاۋ، الىپ ءجۇرۋ جانە تاسىمالداۋ) بويىنشا سوتقا دەيىنگى تەرگەپ- تەكسەرۋ جۇرگىزىلۋدە. ءتيىستى ساراپتامالار تاعايىندالدى» ، - دەلىنگەن مالىمەتتە.

ءمالىم ەتىلگەندەي، جەدەل ءىس- شارالار بارىسىندا بولعان وقيعانىڭ ءمان- جايى مەن كۇدىكتىلەر انىقتالدى. «ولاردى ۇستاۋ بويىنشا شارالار قابىلداندى» ، - دەدى پوليتسيادان.