رەسەي كوروناۆيرۋسقا قارسى ۆاكسينانى الەمدە العاشقى بولىپ تىركەدى
بۇل تۋرالى قازاقپارات ت ا س س- قا سىلتەمە جاساپ حابارلايدى.
«مەنىڭ بىلۋىمشە، بۇگىن تاڭەرتەڭ جاڭا كوروناۆيرۋس ينفەكسياسىنا قارسى الەمدەگى العاشقى ۆاكسينا تىركەلدى»، - دەدى پرەزيدەنت.
پۋتين دەنساۋلىق ساقتاۋ مينيسترلىگىنىڭ باسشىسى ميحايل مۋراشكودان وسى تۋرالى تولىعىراق مالىمەت بەرۋىن سۇرادى.
«مەن ونىڭ ايتارلىقتاي ءتيىمدى جۇمىس ىستەپ جاتقانىن بىلەمىن، يممۋنيتەتتى اۋرۋعا قارسى ەتىپ قالىپتاستىرادى. قايتالايمىن، ول بارلىق قاجەتتى تەكسەرۋلەردەن ءوتتى»، - دەدى رەسەيلىك كوشباسشى.
بۇدان بۇرىن م. مۋراشكو ر ف دەنساۋلىق ساقتاۋ مينيسترلىگى ن. ف. گامالەيا اتىنداعى ۇلتتىق ەپيدەميولوگيا جانە ميكروبيولوگيا زەرتتەۋ ورتالىعى جاساپ شىعارعان ەكپەنىڭ كلينيكالىق سىناقتان وتكەنىن ءمالىم ەتكەن بولاتىن. ۆ. پۋتين اتاپ وتكەندەي، رەسەيدە تىركەلگەن كوروناۆيرۋسقا قارسى ۆاكسينانى جاپپاي شىعارۋدى تاياۋ ۋاقىتتا باستاۋ قاجەت. ءبىراق ونى ەگۋ ەرىكتى تۇردە جۇزەگە اسىرىلماق.
«ءبىز تاياۋ ۋاقىتتا جاپپاي شىعارا باستايمىز دەپ ۇمىتتەنەمىن، ەڭ باستىسى وسى»، - دەدى ول.
سونداي- اق ر ف باسشىسى ۋاقىت وتە كەلە الەمدە كوروناۆيرۋسقا قارسى كوپتەگەن ۆاكسينا پايدا بولاتىنىنا ءۇمىت ءبىلدىردى.