قازاقستان مۇناي ءوندىرىسىن نەلىكتەن ازايتتى - ءمينيستردىڭ جاۋابى
«2020 -جىلدىڭ قاڭتار- شىلدە ايلارىنىڭ قورىتىندىسى بويىنشا مۇناي جانە كوندەنسات ءوندىرۋ كولەمى 51,5 ميلليون توننانى قۇراپ، 2019 -جىلدىڭ سايكەس كەزەڭىمەن سالىستىرعاندا 1,4 پايىزعا تومەن بولدى. ءوندىرىس كولەمى جوسپارىنىڭ ورىندالماۋ سەبەبى - كوروناۆيرۋستىڭ تارالۋىن بولدىرماۋ ماقساتىندا كوپتەگەن ەلدەردە كارانتين ەنگىزىلۋى»، - دەدى مينيستر.
ونىڭ تۇسىندىرۋىنشە، كوروناۆيرۋس ىندەتىنە بايلانىستى الەمدىك ەكونوميكالىق بەلسەندىلىك تومەندەپ مۇناي جانە مۇناي ونىمدەرىنىڭ جاھاندىق ۇسىنىسى تەز ارتىپ كەتكەن.
«بالانستىڭ بۇزىلۋىنا مۇناي مەن مۇناي ونىمدەرىنىڭ الەمدىك جيناقتارىنىڭ قارقىندى ءوسۋى دە ەلەۋلى اسەر ەتتى. وسىنداي قاجەتتىلىكتى قامتاماسىز ەتۋگە مۇناي قويمالارى كولەمىنىڭ جەتىسپەۋشىلىگى ءوندىرىستى توقتاتۋ قاۋپىن تۋىنداتتى. مۇناي قويمالارىنىڭ تولىپ كەتۋىن بولدىرماۋ ماقساتىندا ءوندىرۋدى قىسقارتۋ جونىندەگى شارالار قابىلداندى. مۇناي ەكسپورتى 42 ميلليون توننانى قۇرادى. بۇل 2019 -جىلدىڭ سايكەس كەزەڭىمەن سالىستىرعاندا - 104 پايىز»، - دەدى نۇرلان نوعايەۆ.
اۆتور: مارلان جيەمباي