قازاقستان گاز ءوندىرىسىن ارتتىردى

None
None
نۇر-سۇلتان. قازاقپارات - 2020-جىلدىڭ جەتى ايىندا گاز ءوندىرۋ كولەمى 13,4 ميلليارد تەكشە مەتردى قۇرادى.

بۇل تۋرالى ۇكىمەت وتىرىسىندا ق ر ەنەرگەتيكا ءمينيسترى نۇرلان نوعايەۆ ايتتى، دەپ حابارلايدى قازاقپارات ءتىلشىسى.

«2020-جىلدىڭ 7 ايىندا گاز ءوندىرۋ كولەمى 13,4 ميلليارد تەكشە مەتردى قۇرادى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 1 پايىزعا جوعارى. تابيعي گازدى ىشكى تۇتىنۋ كولەمى 9,5 ميلليارد تەكشە مەتردى قۇراپ، وتكەن جىلدىڭ كورسەتكىشىمەن سالىستىرعاندا 102 پايىز بولدى. سۇيىتىلعان مۇناي گازىن ءوندىرۋ كولەمى 1,8 ميلليون تونناعا جەتتى. بۇل وتكەن جىلدىڭ 7 ايىمەن سالىستىرعاندا 105 پايىز جوعارى. سونىڭ 938 مىڭ تونناسى ىشكى نارىقتا پايدالانىلدى»، - دەدى مينيستر.

نۇرلان نوعايەۆتىڭ اتاپ وتۋىنشە، ەنەرگەتيكا جانە ۇلتتىق ەكونوميكا مينيسترلىكتەرىنىڭ سۇيىتىلعان مۇناي گازىن بولشەك ساۋدادا وتكىزۋگە شەكتى باعالاردى بەكىتۋ تۋرالى بىرلەسكەن بۇيرىعى قابىلدانعان.

«وسى بۇيرىقتى ىسكە اسىرۋ اۆتوكولىككە جانارماي رەتىندە قولدانىلاتىن سۇيىتىلعان گازدىڭ باعاسىن تۇراقتاندىرۋعا مۇمكىندىك بەردى. قابىلدانعان جۇيەلى شارالاردىڭ ناتيجەسىندە اۆتوگاز قۇيۋ ستانساسىنداعى سۇيىتىلعان گازدىڭ بولشەك ساۋداداعى باعاسىنىڭ تومەندەۋى قامتاماسىز ەتىلدى. اتاپ ايتقاندا، وڭىرلەردە سۇيىتىلعان مۇناي گازىنىڭ ورتاشا باعاسى 2 پايىزدان 32 پايىزعا دەيىن، ال قازاقستان بويىنشا 12 پايىزعا تومەندەدى»، - دەدى ول.

سوڭعى جاڭالىقتار