قازاقستاندا جىلقى سانى كوبەيدى

نۇر-سۇلتان. قازاقپارات - 2020-جىلدىڭ 7 ايىنىڭ قورىتىندىسىندا اۋىل شارۋاشىلىعى ءونىمىنىڭ كولەمى 1,7 تريلليون تەڭگەنى قۇرادى.

بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترى ساپارحان وماروۆ ايتتى، دەپ حابارلايدى قازاقپارات ءتىلشىسى.

«وسى جىلدىڭ 7 ايىنىڭ قورىتىندىسى بويىنشا جالپى اۋىل شارۋاشىلىعى ءونىمىنىڭ كولەمى 2,5 پايىزعا ۇلعايىپ، 1,7 تريلليون تەڭگەنى قۇرادى. بۇل ءوسىم نەگىزىنەن مال شارۋاشىلىعىندا ءوندىرىس كولەمىنىڭ 2,6، ونىڭ ىشىندە ءتىرى سالماقتا ەتتىڭ 3,6، ءسۇتتىڭ 3 پايىزعا ۇلعايۋى ەسەبىنەن قامتاماسىز ەتىلدى»، - دەدى ول.

ءمينيستردىڭ ايتۋىنشا، وبلىستار بولىسىندە رەسپۋبليكالىق دەڭگەيدەن جوعارى قارقىن باتىس قازاقستان، اقتوبە، قاراعاندى، سولتۇستىك قازاقستان جانە اقمولا وبلىستارىندا بايقالىپ وتىر.

«6 ايدىڭ قورىتىندىسىندا ءىرى قارا مال سانى 4,5، قوي سانى 2,5، جىلقى سانى 8,5، تۇيە سانى 4، شوشقا سانى 0,7 پايىزعا ءوستى»، - دەدى ساپارحان وماروۆ.