قازاقستاندا تاماق ونىمدەرىنىڭ ءوندىرىسى ارتتى
بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترى ساپارحان وماروۆ ايتتى، دەپ حابارلايدى قازاقپارات ءتىلشىسى.
وماروۆ ونىڭ اتاپ وتۋىنشە، 7 ايدا تاماق ونىمدەرى ءوندىرىسىنىڭ كولەمى 4,1 پايىزعا ارتىپ، 1 تريلليون 64 ميلليارد تەڭگەنى قۇراعان. بۇل رەتتە وڭدەلگەن كۇرىش ءوندىرىسىنىڭ 72 مىڭ توننادان 122,4 مىڭ تونناعا نەمەسە 70 پايىزعا ۇلعايىپ وتىر.
«سونداي-اق شۇجىق ونىمدەرىنىڭ ءوندىرىسى 21,5، جارما 11,8، ماكارون 8,1، سارى ماي 8، ۇن 6,5، وسىمدىك مايى 4,9، قىشقىل ءسۇت ونىمدەرى 4,7، ىرىمشىك پەن سۇزبە 1,9 پايىزعا ارتقانى بايقالادى»، - دەدى ول.
ءمينيستردىڭ دەرەگىنشە، اۋىل شارۋاشىلىعىنا سالىنعان ينۆەستيتسيا 13,5 پايىزعا ۇلعايىپ، 261,2 ميلليارد تەڭگەنى، تاماق ونىمدەرى وندىرىسىنە سالىنعان ينۆەستيتسيا 13,8 پايىزعا ارتىپ، 45,7 ميلليارد تەڭگەنى قۇرادى.
«ەسەپتى كەزەڭ قورىتىندىسى بويىنشا وڭ سەرپىن بايقالادى. بۇل رەتتە سالانى دامىتۋ ءۇشىن جوسپارلانعان ناتيجەلەرگە قول جەتكىزۋگە مۇمكىندىك بەرەتىن بارلىق شارالار قابىلدانادى»، - دەدى ساپارحان وماروۆ.