+7 (701) 759 90 19
-8 °С : نۇر-سۇلتان
-3 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

الەمدىك ەكونوميكا ەكىنشى دۇنيەجۇزىلىك سوعىستان كەيىنگى ەڭ تومەن قۇلدىراۋعا تاپ بولدى - ەربولات دوسايەۆ

11 تامىز 12:43
:ءبولىسۋ
الەمدىك ەكونوميكا ەكىنشى دۇنيەجۇزىلىك سوعىستان كەيىنگى ەڭ تومەن قۇلدىراۋعا تاپ بولدى - ەربولات دوسايەۆ

نۇر-سۇلتان. قازاقپارات - ق ر ۇلتتىق بانك ءتوراعاسى ەربولات دوسايەۆ الەمدىك ەكونوميكاداعى جاعداي تۋرالى ايتىپ بەردى، دەپ حابارلايدى قازاقپارات ءتىلشىسى.

«كوروناۆيرۋس ىندەتىنىڭ سالدارى دامىعان جانە دامۋشى ەلدەر ەكونوميكاسىنىڭ رەكوردتىق تومەندەۋىنە الىپ كەلدى. بيىلعى ەكىنشى توقساندا ا ق ش- تىڭ ىشكى جالپى ءونىمى (ءى ج و) وتكەن توقسانعا قاراعاندا 9,5 پايىزعا، ەۋرووداقتا - 14,4 پايىزعا، ونىڭ ىشىندە يسپانيادا - 18,5 پايىزعا، گەرمانيادا 10,1 پايىزعا تومەندەدى»، - دەدى ۇ ب باسشىسى.

دۇنيەجۇزىلىك بانكتىڭ باعالاۋى بويىنشا، الەمدىك ەكونوميكا ەكىنشى دۇنيەجۇزىلىك سوعىستان كەيىنگى ەڭ تومەن قۇلدىراۋعا تاپ بولدى، ول بيىل جىلدىڭ سوڭىنا قاراي 5,2 پايىزعا تومەندەۋى مۇمكىن.

«سوعان قاراماستان، الەمنىڭ ءىرى ەكونوميكالارى بيزنەس پەن حالىقتى قولداۋعا ارنالعان اۋقىمدى مەملەكەتتىك شىعىندار ەسەبىنەن الەمدىك ەكونوميكانىڭ قۇلدىراۋدان ءوتۋى مەن جاندانا باستاۋى تۋرالى مالىمدەۋدە. قىتاي، ەۋرووداق (ە و) ەلدەرى جانە ا ق ش- تىڭ ونەركاسىپتەگى ىسكەرلىك بەلسەندىلىك كوسەتكىشتەرى ايتارلىقتاي جاقسارعانى تىركەلدى»، - دەدى ە. دوسايەۆ.

ەكونوميكالاردىڭ بىرتىندەپ قالپىنا كەلۋى جانە ەنەرگيا رەسۋرستارىن تۇتىنۋدىڭ ءوسۋى اياسىندا بيىلعى شىلدەدە مۇناي باعاسى ءبىر باررەل ءۇشىن 41,2 ا ق ش دوللارىنان 43,3 ا ق ش دوللارىنا دەيىن 5,2 پايىزعا ءوستى.

«بۇل رەتتە الەمدىك ەكونوميكانىڭ قالپىنا كەلۋىنە قاراماستان، الەمدە كوروناۆيرۋستىڭ ەكىنشى تولقىنىنىڭ قاۋپى ساقتالۋدا. وسى جىلعى شىلدەدە كوروناۆيرۋس تارالۋىنىڭ وسۋىنە بايلانىستى سىرتقى نارىقتاردا بەلگىسىزدىك جاعدايى ورىن الدى. بۇل ينۆەستورلاردىڭ ەكونوميكالىق پەرسپەكتيۆالارعا قاتىستى الاڭداۋشىلىعىن ارتتىردى جانە التىن سياقتى قورعانىس اكتيۆتەرى قۇنىنىڭ وسۋىنە، سونداي-اق دامۋشى ەلدەر ۆاليۋتالارىنىڭ السىرەۋىنە الىپ كەلدى»، - دەپ ءتۇسىندىردى ۇ ب ءتوراعاسى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات