ۇكىمەتتە ونەركاسىپ سالاسىندا ءوسىم كورسەتكەن وڭىرلەر اتالدى
«قاڭتار-ماۋسىمدا سىرتقى ساۋدا اينالىمى 42,5 ميلليارد دوللارعا جەتتى. ەكسپورت 26 ميلليارد دوللاردى، يمپورت - 16,5 ميلليارد دوللاردى قۇرادى. ساۋدا بالانسىنىڭ وڭ سالدوسى 9,5 ميلليارد دوللار دەڭگەيىندە ساقتالۋدا»، - دەدى مينيستر.
ونىڭ سوزىنە قاراعاندا، ونەركاسىپ ءوندىرىسى 1,3 پايىزعا، ونىڭ ىشىندە وڭدەۋ ونەركاسىبى 3,8 پايىزعا ۇلعايدى. بۇل رەتتە مۇناي ءوندىرۋ قارقىنىنىڭ جوسپارلى تومەندەۋى ناتيجەسىندە تاۋ- كەن ءوندىرۋ ونەركاسىبى 0,4 پايىزعا تومەندەدى.
«ونەركاسىپ بويىنشا ءوسىم كوپتەگەن وڭىرلەردە بايقالادى. ەڭ كوپ ءوسىمدى سولتۇستىك قازاقستان (%8,1 كە) جانە قوستاناي (%6,5 كە) وبلىستارى، سونداي-اق نۇر-سۇلتان قالاسى (%6,5 كە) كورسەتتى. 5 وڭىردە تومەندەۋ تىركەلدى. بۇل قىزىلوردا (%10,4)، ماڭعىستاۋ (%4,5)، اقتوبە (%3,3)، شىعىس قازاقستان (%0,6) وبلىستارى جانە شىمكەنت قالاسى (%0,8)»، - دەدى ر. دالەنوۆ.
بۇدان بۇرىن حابارلانعانداي، بۇگىن ۇكىمەت وتىرىسىندا 2020-جىلعى قاڭتار-شىلدەنىڭ قورىتىندىلارى بويىنشا ەلدىڭ الەۋمەتتىك-ەكونوميكالىق دامۋ ناتيجەلەرى قارالۋدا.