+7 (701) 759 90 19
-10 °С : نۇر-سۇلتان
-4 °С : الماتى
USD 420.67 EUR 510.99
RUB 5.58 CNY 64.92
جاڭالىقتار

الماتىدا «ابايعا ورالۋ» اتتى ونلاين كونسەرت ءوتتى

11 تامىز 08:59
:ءبولىسۋ
الماتىدا «ابايعا ورالۋ» اتتى ونلاين كونسەرت ءوتتى

الماتى. قازاقپارات - قازاق ۇلتتىق قىزدار پەداگوگيكالىق ۋنيۆەرسيتەتىنىڭ «Ular» ەتنو-فيۋجن ءانسامبلى «ابايعا ورالۋ» ونلاين كونسەرتىن ۇيىمداستىردى، دەپ حابارلايدى قازاقپارات ءتىلشىسى.

10- تامىز - اباي كۇنىنە ورايلاستىرىلىپ ۇيىمداستىرىلعان شارادا ونەرپازدار ۇلى اقىن ءھام ويشىلدىڭ كوپشىلىككە تانىمال، شوقتىعى بيىك مۋزىكالىق شىعارمالارىن ورىندادى.

ولاردىڭ قاتارىندا ابايدىڭ «كوزىمنىڭ قاراسى...»، «ايتتىم سالەم، قالامقاس» سىندى اندەرى مەن «جەلدىرمە»، «تورجورعا» سياقتى كۇيلەرى بار»، - دەدى وقۋ ورنىنىڭ باسپا ءسوز قىزمەتىنىڭ جەتەكشىسى جاندار اسان.

ونلاين كونسەرتتە ورىندالعان تۋىندىلار قىزدار ۋنيۆەرسيتەتىنىڭ الەۋمەتتىك جەلىدەگى رەسمي پاراقشالارى ارقىلى كوپشىلىك نازارىنا ۇسىنىلدى.

ايتا كەتەيىك، «Ular» ەتنو-فيۋجن ءانسامبلى 1987-جىلى قۇرىلعان. 30 جىلدان استام ۋاقىت بويى قازاق مۋزىكالىق شىعارماشىلىق ونەرىن جاڭعىرتۋعا ۇلەس قوسىپ كەلە جاتقان بۇل ونەر ۇجىمى سونداي-اق ۇلتتىڭ ۇمىت بولا باستاعان كوپتەگەن مۋزىكالىق اسپاپتارىن قايتا جانداندىردى.

ونەرسۇيەر قاۋىمنىڭ ىستىق ىقىلاسىنا بولەنگەن انسامبل قىتاي، موڭعوليا، تۇركيا، رەسەي، وزبەكستان جانە تاعى دا باسقا الىس-جاقىن شەت ەلدەرگە گاسترولدىك ساپارلار جاساپ، قازاق ونەرىن ناسيحاتتاۋعا زور سەپتىگىن تيگىزدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات