+7 (701) 759 90 19
-6 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

اباي شىعارمالارى ۇلتتىق كودىمىزدى بەكىتە ءتۇستى -  قادىر ءجۇسىپ

11 تامىز 11:44
:ءبولىسۋ
اباي شىعارمالارى ۇلتتىق كودىمىزدى بەكىتە ءتۇستى -  قادىر ءجۇسىپ

اتىراۋ. قازاقپارات - ۇلت ادەبيەتىنىڭ قاينار كوزىنە اينالعان ابايدىڭ شىعارمالارى ۇلتتىق كودىمىزدى بەكىتە ءتۇستى. ءبىزدىڭ بۇگىنگى مىندەتىمىز- دانىشپان شىعارماشىلىعىن تەرەڭىرەك زەرتتەپ، جاس ۇرپاقتىڭ ساناسىنا سىڭىرۋگە اتسالىسۋ.

اتىراۋلىق عالىم، فيلولوگيا عىلىمدارىنىڭ دوكترى، پروفەسسور قادىر ءجۇسىپ وسىنداي پىكىرىمەن ءبولىستى، دەپ حابارلايدى قازاقپارات.

«اباي ءومىر سۇرگەن عاسىر - وتە اۋىر زامان. ويتكەنى، ⅩⅩ عاسىردىڭ باسىنان باستاپ ابايدىڭ شىعارماشىلىعىنا سول زامانداعى بيلىكتىڭ كوزقاراسى وڭدى بولا قويمادى. اباي دا قاتتى قىسپاققا ۇشىرادى. «ونىڭ ولەڭدەرى دە، قارا سوزدەرى دە كەڭەستىك يدەولوگياعا قارسى» دەگەن پىكىرلەر جاپپاي بەلەڭ الدى. ءتىپتى، ءبىر كەزدەرى مەملەكەتتىك سىيلىق العان مۇحتار اۋەزوۆتىڭ «اباي جولى» رومان-ەپوپەياسىنىڭ ءوزى وتكەن عاسىردىڭ 60-جىلدارىنا دەيىن سىننان كوز اشپاعان ەدى. سولاقاي سىنشىلار اباي وبرازى بەينەلەنگەن شىعارمانى بايشىلدىق، ۇستەم تاپ وكىلدەرىن دارىپتەگەن شىعارما دەپ سىناپ-مىنەدى» دەيدى عالىم قادىر ءجۇسىپ.

عالىمنىڭ پىكىرىنە سۇيەنسەك، قازىر ابايدىڭ شىعارماشىلىعىنا شىنايى، وڭدى كوزقاراس قالىپتاسىپ وتىر.

«بارىنەن دە بۇرىن ءوزىمىز ايتىپ جۇرگەن ۇلتتىق كودىمىزدى ابايدىڭ شىعارمالارى ودان ءارى بەكىتە تۇسەدى. ءبىزدىڭ ەندىگى مىندەتىمىز - ابايدىڭ شىعارماشىلىعىن تەرەڭىرەك زەردەلەپ، عيبراتتى تاعىلىمىنا نازار اۋدارۋ. ال، ۇلى اقىننىڭ بيىلعى 175 جىلدىق مەرەيتويى ولەڭدەرىن جاتقا ايتۋمەن شەكتەلمەۋى كەرەك. ونىڭ شىعارماشىلىعى وقۋ ورىندارىندا ەندى، مەيلىنشە تەرەڭدەتىلىپ وقىتىلۋى ءتيىس. وسى ورايدا بۇرىن وقۋ باعدارلاماسىندا «اباي تانۋ ءپانى» بولعان ەدى. ەندى وسى ءپاندى تولىقتىرىپ، مەكتەپتەن باستاپ جوعارى وقۋ ورىندارىنا قايتادان ەنگىزۋ قاجەت»، - دەيدى پروفەسسور قادىر ءجۇسىپ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات