+7 (701) 759 90 19
17 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ەۋروپا ليگاسى: «مانچەستەر يۋنايتەد» پەن «ينتەر» جارتىلاي فينالعا شىقتى

11 تامىز 07:51
:ءبولىسۋ
ەۋروپا ليگاسى: «مانچەستەر يۋنايتەد» پەن «ينتەر» جارتىلاي فينالعا شىقتى

نۇر-سۇلتان. قازاقپارات - UEFA ەۋروپا ليگاسىندا جارتىلاي فينالعا جولداما العان العاشقى ەكى كوماندا انىقتالدى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەلىك، ەۋروپا ليگاسى 5- تامىزدان باستاپ قايتا جالعاستى.

ايتا كەتسەك، كوروناۆيرۋس جاعدايىنا بايلانىستى ءدۇبىرلى دودا ناۋرىز ايىندا بەلگىسىز مەرزىمگە كەيىنگە شەگەرىلگەن بولاتىن. ناتيجەسىندە شيرەك فينالعا جولداما العان كوماندالار انىقتالدى.

بۇگىن شيرەك فينالداعى ەكى ويىن وتكىزىلدى. ونىڭ بىرەۋىندە «مانچەستەر يۋنايتەد» (انگليا) پەن «كوپەنگاگەن» (دانيا) كەزدەستى.

ويىننىڭ نەگىزگى كەزەڭى 0:0 ەسەبىمەن تەڭ اياقتالىپ، قوسىمشا تايمعا ۇلاستى. ويىننىڭ 95-مينۋتىندا «مانچەستەر يۋنايتەد» فۋتبولشىسى برۋنۋ فەرناندەش پەنالتيدەن ەسەپ اشتى.

وسىلايشا اعىلشىن كلۋبى 1:0 ەسەبىمەن جەڭىسكە جەتتى. ەندى ولار 16- تامىزدا جارتىلاي فينالدا «سيەۆيليا» (يسپانيا) مەن «ۆۋلۆەرگەمپتون ۋوندەرەرس» (انگليا) جۇبىنىڭ جەڭىمپازىمەن شەبەرلىك بايقاسادى.

تاعى ءبىر كەزدەسۋدە «ينتەر» مەن «بايەر» شەبەرلىك بايقاستى. بۇل ويىندا «ينتەر» 2:1 ەسەبىمەن باسىم ءتۇستى. ولاردىڭ قاتارىنان نيكولو بارەللا 15، رومەلۋ لۋكاكۋ 21-مينۋتتا گول سوقتى. وعان «بايەر» ساپىنان كاي حاۆەرتس 24-مينۋتتا ءبىر گولمەن جاۋاپ قايىردى. بۇدان كەيىن ەسەپ وزگەرگەن جوق.

«ينتەر» ەندى 17- تامىزدا جارتىلاي فينالدا «شاحتەر دونەتسك» (ۋكراينا) مەن «بازەل» (شۆەيتساريا) جۇبىنىڭ جەڭىمپازىمەن كەزدەسەدى.

شيرەك فينال ويىندارى بۇگىن، 11- تامىزدا دا وتكىزىلەدى. بۇل كۇنى «شاحتەر دونەتسك» مەن «بازەل»، «سيەۆيليا» مەن «ۆۋلۆەرگەمپتون ۋوندەرەرس» كوماندالارى كەزدەسەدى.

جارىستىڭ شيرەك جانە جارتىلاي فينال ويىندارى گەرمانيانىڭ گەلزەنكيرحەن، دۋيسبۋرگ، ديۋسسەلدورف، كەلن قالالارىندا وتكىزىلەدى.

ال فينال 21- تامىزدا كەلن قالاسىنداعى «رەين ەنەرگي» ستاديونىندا بولادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات