يۋنەسكو قورعاۋىنداعى سانا قالاسى قيراپ جاتىر

None
None
نۇر-سۇلتان. قازاقپارات - يەمەن استاناسى سانا قالاسىنىڭ تاريحي عيماراتتارى تابيعاتتىڭ مىنەزىنە شىداس بەرەر ەمەس، حابارلايدى «حابار 24».

تولاسسىز جاۋعان نوسەردەن يۋنەسكو- نىڭ قورعاۋىنداعى ەسكەرتكىشتەر ەزىلىپ، قۇلاپ جاتىر. وسى اپتادا سانانى باسقارىپ وتىرعان حۋسيت كوتەرىلىسشىلەرى يۋنەسكو- عا قالا مۇراسىن ساقتاۋعا كومەك كورسەتۋگە ءوتىنىش ءبىلدىردى. ولاردىڭ ايتۋىنشا، سوڭعى اپتالاردا 110 نان استام ءۇي قۇلاعان. ۇزاق ۋاقىت بويى سوعىستىڭ زاردابىن كورگەن عيماراتتار ادامنىڭ قولىمەن دە قيراتىلدى. قازىر ەسكى قالاداعى 5000 عا جۋىق قىزىل عيماراتتاردىڭ شاتىرى تەسىك، ال 107 ءسىنىڭ توبەسى جارتىلاي قۇلاعان. ادەتتە ءساۋىردىڭ ورتاسىندا باستالىپ، قىركۇيەكتىڭ باسىنا دەيىن جالعاساتىن جاڭبىر الەم مۇراسىن ساقتاپ تۇرۋعا كەدەرگىسىن كەلتىرەدى.

سانا قالاسى ەسكى مەشىتتەرىمەن، Ⅺ عاسىرعا دەيىن سالىنعان 6000 عا جۋىق كىرپىش ۇيلەرىمەن تانىمال.

حالەت ءال- يبراھيم، تاريحي ەسكەرتكىشتەردى قورعاۋ جونىندەگى مەملەكەتتىك مەكەمەنىڭ باسشىسى:

- بىزدە قىزىل جالاۋ ىلىنگەن، ياعني قيراعان 129 عيمارات بولعان ەدى. ولاردىڭ سانى كۇن وتكەن سايىن كوبەيىپ بارادى. ءبىز يۋنەسكو جانە الەۋمەتتىك دامۋ قورىمەن 100 تاريحي عيماراتتى قالپىنا كەلتىرۋ بويىنشا جۇمىستى باستادىق. 40 ىن قالپىنا كەلتىردىك. بۇل رەتتە ءبىز كومەككە مۇقتاجبىز. ويتكەنى بۇل قالا الەمدىك مۇرا ورنى جانە ادامزات مۇراسىنىڭ ءبىر بولىگى بولىپ قالا بەرەدى.

سوڭعى جاڭالىقتار