+7 (701) 759 90 19
-6 °С : نۇر-سۇلتان
-1 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

كوروناۆيرۋستىڭ كۇزدەگى جاڭا تولقىنى: دايىندىق قانداي

10 تامىز 20:02
:ءبولىسۋ
كوروناۆيرۋستىڭ كۇزدەگى جاڭا تولقىنى: دايىندىق قانداي

نۇر- سۇلتان. قازاقپارات - جىل باسىنان بەرى كوروناۆيرۋس ينفەكتسياسىنا قاتىستى جاعدايدىڭ ۋشىعۋى الەم ەلدەرىن الاڭداتىپ وتىرعانى بەلگىلى.

سايكەسىنشە، ءتيىستى شەكتەۋ شارالارىن قابىلداۋدىڭ ارقاسىندا ىندەتتىڭ تارالۋىن ايتارلىقتاي تەجەۋ مۇمكىن بولدى. وسى ورايدا بۇگىن دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ كوروناۆيرۋسقا قارسى كۇرەستىڭ ناتيجەلەلەرى جايىندا باياندادى.

«ق ر دەنساۋلىق ساقتاۋ مينيسترلىگىنىڭ رەسمي وكىلى رەتىندە اپتا سايىن ەلىمىزدەگى ەپيدەميولوگيالىق احۋال جونىندە جانە حالىققا كورسەتىلىپ جاتقان مەديتسينالىق جاردەم تۋرالى اقپارات بەرىپ تۇراتىن بولامىز. سونىمەن قاتار، ىندەتكە قارسى كۇرەستىڭ ناتيجەلەلەرى جايىندا باياندايمىن»، - دەدى باعدات قوجاحمەتوۆ. وسى ورايدا ول مينيسترلىكتىڭ اتىنا كەلىپ تۇسەتىن ارىز- شاعىمدارعا جەدەل جاۋاپ بەرۋگە ءازىر ەكەندىكتەرىن اتاپ ءوتتى.

«ءباسپاسوز ماجىلىسىندە قويىلاتىن سۇراقتاردان بولەك، مەنىڭ جەكە پاراقشاما جىبەرىلگەن سۇراقتاردى، الەۋمەتتىك جەلىدە ايتىلاتىن ساۋالداردىڭ بارلىعىن قامتۋعا تىرىسامىز» ، - دەدى رەسمي وكىل. سونىمەن قاتار ول قازاقستاندا كوروناۆيرۋستى جۇقتىرۋ ءوسىمى توقتاعانىن جەتكىزدى. ەل بويىنشا جاعداي ايتارلىقتاي جاقساردى. اتقارۋشى بيلىك احۋالدى قاتاڭ باقىلاۋدا ۇستاپ وتىر. مەديتسينالىق قاۋىمداستىقتىڭ سانيتارلىق- ەپيدەميولوگيالىق قىزمەتى وزىنە جۇكتەلگەن مىندەتىن تولىق كولەمدە ورىنداپ جاتىر.

«وسىلايشا، ەلىمىز ەڭ كۇردەلى كەزەڭدى ارتتا قالدىردى دەسەك بولادى. ءبىراق جەتكەن جەتىستىككە قۋانىپ، بوساڭسۋعا بولمايدى. ەندىگى مىندەتىمىز - ىندەتتى جۇقتىرۋ مەن ءولىم- ءجىتىمدى توقتاتۋ. وسى رەتتە بارشا قازاقستاندىقتارعا سانيتارلىق ەرەجەلەردى ورىنداۋعا شاقىرامىن»، - دەدى ب. قوجاحمەتوۆ.

رەسمي ستاتيستيكاعا كەلەتىن بولساق، بيىلعى 13 - ناۋرىزىنان باستاپ قازاقستاندا كوروناۆيرۋستىق ينفەكتسيامەن 99442 ادام اۋىردى. جازىلىپ شىققان ناۋقاستاردىڭ سانى 72523 نەمەسە 72,9 پايىز. ستاتسيونارلاردا 4713 ادام ەم قابىلداۋدا جانە 20937 امبۋلاتورلىق جاعداي ەمدەلۋدە. ناۋقاستاردىڭ اراسىندا 246 ادامنىڭ دەنساۋلىعى ناشار، 69 ادامنىڭ دەنساۋلىعى وتە ناشار دەپ باعالاندى. جالپى 70 ناۋقاس وكپەنى جاساندى جەلدەتۋ اپپاراتىندا جاتىر. سوڭعى ءبىر تاۋلىكتە COVID-19 ۆيرۋسىن 741 ادام جۇقتىردى.

«دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسى بويىنشا 1 - تامىزدان باستاپ كوروناۆيرۋستىق ينفەكتسيا جانە وعان ۇقساس بەلگىلەرى بار پنيەۆمونيا دەرەكتەرىن ستاتيستيكا قاتارىنا قوستىق. وسىدان كەيىن ەلىمىز ىندەتتىڭ تارالۋى كورسەتكىشى بويىنشا الەمدىك رەيتينگتە ءبىر ساتىعا عانا كوتەرىلدى. بۇعان دەيىن ءبىز 27- ورىدا بولساق، قازىر 26- ورىنعا تۇراقتادىق. ءبىراق، بۇل كورسەتكىشكە قاراپ جىگەردى جاسىتۋعا بولمايدى، ءبىز ءۇشىن ەڭ ماڭىزدىسى - كۇرەستى كۇشەيتىپ، جاعدايدى ودان ءارى جاقسارتۋ»، - دەدى باعدات قوجاحمەتوۆ.

ايتا كەتەيىك، ناۋرىز ايىنان باستاپ بالالاردىڭ كوروناۆيرۋس ينفەكتسياسىن جۇقتىرۋدىڭ 2257 جاعدايى تىركەلدى. ونىڭ ىشىندە قازىرگى كەزدە قازاقستان اۋرۋحانالارىندا 114 بالا جاتىر. ۆەدومستۆو مالىمەتىنە قاراعاندا، كارانتيننىڭ 5 اپتاسىندا، وسى شىلدە ايىنىڭ باسىنان بەرى اۋرۋحانالارداعى ورىندار 60 پايىزعا بوسادى. ونىڭ ىشىندە جانساقتاۋ ساقتاۋ بولىمىندەگى ورىندار 58 پايىزعا دەيىن بوساپ وتىر. جەدەل جاردەمگە حابارلاسۋ ايتارلىقتاي ازايدى، كۆي بويىنشا 68 پايىزعا تومەندەدى. قابىلدانعان كەشەندى شارالاردىڭ ناتيجەسىندە جازىلىپ شىققان ناۋقاستاردىڭ سانى 73 پايىزعا ءوستى. ەمحانادا ءدارى تەگىن بەرىلمەك

«قابىلدانعان شارالاردىڭ ناتيجەسىندە قازىر قولىمىزدا جان- جاقتى سارالانعان مالىمەتتەر بار. بۇل بىزگە بولاشاققا جوسپار قۇرىپ، الدىن الا دايىندالۋدا مۇمكىندىك بەرەدى. ياعني، ىندەتتىڭ كۇزدە كۇتىلەتىن جاڭا تولقىنىنا قارسى تۇرۋ ءۇشىن ماتەريالدى ءارى ادامي رەسۋرستاردى تولىعىمەن دايىنداۋعا جاعداي جاسالدى»، - دەدى باعدات قوجاحمەتوۆ. ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

اتاپ ايتقاندا، پروۆيزورلىق ورتالىقتاردا جەدەل ارەكەت ەتۋ ءۇشىن مەديتسينالىق قىزمەتكەرلەردى دايىنداۋدان بولەك، ءدارى- دارمەكتەرمەن تولىقتىرۋ بويىنشا اۋقىمدى جۇمىس اتقارىلۋدا. كوروناۆيرۋسپەن جانە كۆي- عا ۇقساس بەلگىلەرى بار پنيەۆمونيامەن سىرقاتتانعان ناۋقاستار ءۇشىن الدىن الا ءبىر ايلىق قورعا ەسەپتەلىنگەن پرەپاراتتار ساتىپ الىندى. قازىرگى ۋاقىتتا وڭىرلەرگە 8,7 ميلليارد تەڭگە بولاتىن 91 ءتۇرلى ءدارى- دارمەك جونەلتىلدى. بۇل ورتاشا ەسەپپەن 40 مىڭ ناۋقاسقا جەتەدى. ونىڭ سوزىنە قاراعاندا، 15 - تامىزدان باستاپ تاعى ەكى ايعا جەتەتىن قور ازىرلەنەدى. ستاتسيونارداعى 200 مىڭ ناۋقاسقا جەتەتىن ءدارى- دارمەكتىڭ 50 ءتۇرى قامتىلماق.

«سونىمەن قاتار، امبۋلاتورلىق جاعدايدا ەم الاتىن ءبىر ميلليون ناۋقاستى ەمدەۋگە ارنالعان ءدارى- دارمەكتىڭ 5 ءتۇرىن ساتىپ الۋ ءۇردىسى اياقتالۋدا. ءدال وسىنداي اۋقىمدى شارالار العاشقى رەت قابىلدانىپ وتىر. سىرقاتتانىپ، ۆيرۋس جۇقتىرۋ بويىنشا كۇدىكتەنسەڭىز، تىركەلگەن ەمحاناعا بارىپ قارالساڭىز بولادى. ەگەر ۆيرۋس جۇقتىرعانىڭىز انىقتالسا، بۇرىنعىداي ءدارىحانا جاعالاپ جۇرمەي- اق قويىڭىزدار! بارلىق ەمحانالاردا قاجەتتى ءدارى- دارمەك بار جانە اقىسىز بەرىلەدى. اتاپ ايتقاندا، پاراتسەتامول، يبۋپروفەن جانە باسقا دا قاجەتتى پرەپاراتتار اپتانىڭ سوڭىنا دەيىن ەلىمىزدىڭ بارلىق ەمحانالارىنا جەتكىزىلەدى. ءدارى- دارمەكتەردى جەتكىزۋ «سق- فارماتسيا» كومپانياسى تاراپىنان جۇرگىزىلىپ جاتىر»، - دەدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات