+7 (701) 759 90 19
3 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ولجاس سۇلەيمەنوۆ: اباي -  قازاق حالقىنىڭ ۇستازى

10 تامىز 16:56
:ءبولىسۋ
ولجاس سۇلەيمەنوۆ: اباي -  قازاق حالقىنىڭ ۇستازى

الماتى. قازاقپارات - قازاقستاننىڭ حالىق جازۋشىسى، اقىن، ادەبيەتتانۋشى، مەملەكەت جانە قوعام قايراتكەرى ولجاس سۇلەيمەنوۆ ابايدىڭ ۇلىلىعى تۋرالى ايتتى، دەپ حابارلايدى قازاقپارات ءتىلشىسى.

«اباي - قازاق حالقىنىڭ ۇستازى. ويتكەنى، ول ءوزىنىڭ زامانداستارىنا قاراعاندا كوپ نارسەنى ءتۇسىنىپ، الداعىنى بولجاي ءبىلدى. اباي دۇنيەگە ءوز كوزىمەن قاراپ، كورگەنى مەن سەزگەنىن جالتاقتاماي ايتقان. اقىننىڭ شىعارمالارى بۇگىن دە وزەكتىلىگىن جوعالتقان جوق. ابايدىڭ قارا سوزدەرىندەگى وي- تۇجىرىمدارى بارشامىزعا قاشاندا رۋحاني ازىق بولا الادى. الايدا، ءبىز ونىڭ ايتقاندارىن ءالى دە تولىق ورىنداماي كەلەمىز. بۇگىندە ءبىز ونىڭ «باسقا حالىقتارمەن دوس بولىپ، ولاردى قۇرمەتەسەڭ، ءسىزدىڭ حالقىڭىزعا قۇرمەت كورسەتىلەدى» دەگەن ويىن جۇزەگە اسىردىق»، - دەيدى و. سۇلەيمەنوۆ.

سونداي- اق ول ابايدىڭ ەگىنشىلىكپەن اينالىسۋ وسيەتى تۋرالى ايتىپ ءوتتى.

«الايدا، وعان قۇلاق اسپادىق، كوشپەندىلىك داستۇردەن باس تارتپادىق. سونىڭ سالدارىنان 30-جىلدارى قازاق جەرى حالقىنىڭ 2/3 بولىگى نەمەسە 3/4 بولىگىنەن ايىرىلدى. ەگەر ولار 20 -عاسىردىڭ باسىنان باستاپ ەگىنشىلىكپەن اينالىسسا، ولىمنەن قۇتىلار ەدى. قانشاما ۇلى ادامدار كەتتى. ولاردىڭ قاتارىندا بولاشاق عالىمدار، ۇلى سۋرەتشىلەر بار بولاتىن. ولار ۇستازى - ابايعا باعىنبادى. بولاشاق ۇرپاق وسىنداي قاتەلىكتەرگە بوي الدىرماۋ ءۇشىن ءبىز بۇگىن جينالىپ وتىرمىز»، - دەدى قوعام قايراتكەرى.

ەسكە سالايىق، قازاقستان ۇكىمەتىنىڭ قاۋلىسىمەن 10 - تامىز اباي كۇنى بولىپ بەلگىلەندى. بۇگىن ەلىمىزدىڭ زيالى قاۋىم وكىلدەرى الماتى جانە نۇر- سۇلتان قالالارىنداعى اباي ەسكەرتكىشتەرىنە گۇل شوقتارىن قويدى.

اۆتور: الما مۇقانوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات