مۇرات اۋەزوۆ: اباي - قازاق مادەنيەتىنىڭ رەفورماتورى
«قيىن- قىستاۋ كەزەڭدەردە حالىق ابايدىڭ اندەرىن ورىنداپ، سوزدەرىن جۇرەكتەرىندە ساقتادى، ونىڭ سوزدەرى، اندەرى حالىقپەن بىرگە بولدى. اباي - ۇلى ادام، ول حالىقتىڭ قۇتقارۋشىسى، ويتكەنى XX عاسىردىڭ باسىنداعى اۋىر كەزەڭدى وتكەرگەن «زار زامان» اقىندارى دا وسى اتالعان عاسىردىڭ قيىن بولاتىنىن سەزدى. اباي دا ءبىلدى، ونىڭ كەمەڭگەرلىگى سول، ول حالىقتىڭ مادەنيەتىن، ءتىلىن، ادەبيەتىن، ءدىنىن ساقتاپ قالۋعا جول تابا ءبىلدى»، - دەدى مۇرات اۋەزوۆ.
ونىڭ ايتۋىنشا، اباي مەن ونىڭ شىعارماشىلىعى تازا، ءمولدىر بۇلاق سياقتى، قۇرعاق ءشوپ پەن قاتتى توپىراقتى دا قايتا جانداندىرادى.
اباي قۇنانبايەۆ - قازاق اقىنى، كومپوزيتور، اعارتۋشى، ويشىل، قوعام قايراتكەرى، قازاق جازبا ادەبيەتىنىڭ نەگىزىن قالاۋشىسى، قازاق مادەنيەتىنىڭ رەفورماتورى جانە ونىڭ العاشقى كلاسسيگى. ەسكە سالايىق، قازاقستان ۇكىمەتىنىڭ قاۋلىسىمەن 10- تامىز اباي كۇنى بولىپ بەلگىلەندى.
اۆتور: الما مۇقانوۆا