17:30, 10 - تامىز 2020 | GMT +6
ىندەتتىڭ كۇزدەگى جاڭا تولقىنىنا دايىنبىز - باعدات قوجاحمەتوۆ
نۇر- سۇلتان. قازاقپارات - دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ كوروناۆيرۋستىڭ كۇزدە كۇتىلەتىن جاڭا تولقىنىنا قارسى تۇرۋ مۇمكىندىگى تۋرالى ايتىپ بەردى، دەپ حابارلايدى قازاقپارات ءتىلشىسى.
«قابىلدانعان شارالاردىڭ ناتيجەسىندە قازىر قولىمىزدا جان- جاقتى سارالانعان مالىمەتتەر بار. بۇل بىزگە بولاشاققا جوسپار قۇرىپ، الدىن الا دايىندالۋدا مۇمكىندىك بەرەدى. ياعني، ىندەتتىڭ كۇزدە كۇتىلەتىن جاڭا تولقىنىنا قارسى تۇرۋ ءۇشىن ماتەريالدى ءارى ادامي رەسۋرستاردى تولىعىمەن دايىنداۋعا جاعداي جاسالدى»، - دەدى باعدات قوجاحمەتوۆ ورتالىق كوممۋنيكاتسيالار قىزمەتىندە.
بۇدان بۇرىن حابارلانعانداي، كوروناۆيرۋسقا شالدىققان 70 ناۋقاس وكپەنى جاساندى جەلدەتۋ اپپاراتىنا قوسىلدى.
ەسكە سالساق، قازاقستاندا كوروناۆيرۋستى جۇقتىرۋ ءوسىمى توقتادى.
اۆتور: رۋسلان عابباسوۆ