قازاقستاندا كوروناۆيرۋستى جۇقتىرۋ ءوسىمى توقتادى – مينيسترلىك

نۇر- سۇلتان. قازاقپارات - قازاقستاندا كوروناۆيرۋستى جۇقتىرۋ ءوسىمى توقتادى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ءمالىم ەتتى، دەپ حابارلايدى قازاقپارات ءتىلشىسى.

«قازاقستاندا كوروناۆيرۋستى جۇقتىرۋ ءوسىمى توقتاتىلدى. ەل بويىنشا جاعداي ايتارلىقتاي جاقساردى. اتقارۋشى بيلىك احۋالدى قاتاڭ باقىلاۋدا ۇستاپ وتىر. مەديتسينالىق قاۋىمداستىقتىڭ سانيتارلىق- ەپيدەميولوگيالىق قىزمەتى وزىنە جۇكتەلگەن مىندەتىن تولىق كولەمدە ورىنداپ جاتىر. وسىلايشا، ەلىمىز ەڭ كۇردەلى كەزەڭدى ارتتا قالدىردى دەسەك بولادى»، - دەدى رەسمي وكىل ورتالىق كوممۋنيكاتسيالار قىزمەتىندە.

وسى ورايدا ول ەل حالقىن سانيتارلىق ەرەجەلەردى قاتاڭ ورىنداۋعا شاقىردى.

«ءبىراق جەتكەن جەتىستىككە قۋانىپ، بوساڭسۋعا بولمايدى. ەندىگى مىندەتىمىز - ىندەتتى جۇقتىرۋ مەن ءولىم- ءجىتىمدى توقتاتۋ. وسى رەتتە بارشا قازاقستاندىقتارعا سانيتارلىق ەرەجەلەردى ورىنداۋعا شاقىرامىن»، - دەدى ب. قوجاحمەتوۆ.

اۆتور: رۋسلان عابباسوۆ