ايگىلى كومپانيا دومبىرا شەرتۋدى ۇيرەتەتىن باعدارلاما ءۇشىن قازاقستاندىق وقۋشىنى ماراپاتتادى
اسقار المۇحامەتوۆ بيىل نازاربايەۆ زياتكەرلىك مەكتەبىنىڭ 10-سىنىبىنا بارادى. ول دومبىرا شەرتۋدى ۇيرەتەتىن سيمۋلياتور جاساپ، ونى Apple كومپانياسى ۇيىمداستىرعان بايقاۋعا جولداعان.
«ايگىلى ستيۆ دجوبس نەگىزىن قالاعان Apple كومپانياسى باعدارلاما جاساۋمەن اينالىساتىن جاستاردى ىنتالاندىرۋ ءۇشىن جىل سايىن يننوۆاتسيالىق جوبالار بايقاۋىن وتكىزەدى. كونكۋرستىڭ شارتى بويىنشا اۋەلى ۇزدىك جۇمىستار ىرىكتەلەدى. ودان سوڭ كومپانيا وكىلدەرى جوبانىڭ اۆتورلارىمەن بايلانىسقا شىعادى. مەن بۇل كونكۋرسقا دومبىرا تارتۋدى ۇيرەتەتىن سيمۋلياتوردى ۇسىندىم. سيمۋلياتور Swift باعدارلاماسىمەن جاسالدى»، - دەيدى اسقار المۇحامەتوۆ.
وقۋشىنىڭ ايتۋىنشا، ۇزدىك جەڭىمپازدار Apple كومپانياسى قارجىلاندىراتىن ءبىلىم گرانتىنا يە بولادى. بۇل گرانت دارىندى جاستاردىڭ سان- فرانسيسكو قالاسىنداعى (ا ق ش) Apple كەڭسەسىندە تاجىريبە جيناۋعا مۇمكىندىك بەرەدى. الايدا، الەمدە ورىن العان پاندەمياعا بايلانىستى بۇل جوسپار كەيىنگە قالدىرىلعانى بەلگىلى بولدى. ءبىراق، ۇيىمداستىرۋشىلار اتىراۋلىق وقۋشى اسقار المۇحامەتوۆتىڭ ەڭبەگىن باعالاپ، ىنتالاندىرۋ ءۇشىن كومپانيا اتىنان كۇزگى كۇرتەشە، كادەسىي مەن كونكۋرسقا قاتىسقانى ءۇشىن ديپلومدى تابىستاعان.
اسقار المۇحامەتوۆ - رەسپۋبليكالىق، حالىقارالىق دەڭگەيدەگى ستارتاپ كونكۋرستاردىڭ جەڭىمپازى. بۇعان دەيىن ول بالالار ءۇشىن «Qulynym» موبيلدىك قوسىمشاسىن جاساعان. بۇل قوسىمشادا مەكتەپكە دەيىنگى بالالار ءۇشىن قازاقءتىلدى كونتەنت جيناقتالعان. كەلەشەكتە نازاربايەۆ زياتكەرلىك مەكتەبىنىڭ وقۋشىسى IT سالاسىن جەتىك مەڭگەرۋ ارقىلى ۇلتتىق تەحنولوگيا سالاسىن جاڭعىرتۋدى كوزدەپ وتىر.
ەسكە سالا كەتەلىك، بۇدان بۇرىن اتىراۋلىق وقۋشى ۆولونتەرلەرگە ارنالعان موبيلدىك قوسىمشا جاساپ شىعارعان ەدى.
اۆتور: بەك مۇستافا