قازاقستاننىڭ اسكەري- مەديسينالىق جاساعى ليۆانعا كەلدى

بەيرۋت. قازاقپارات – ق ر قورعانىس مينيسترلىگىنىڭ ارنايى ماقساتتاعى اسكەري- مەديتسينالىق جاساعى بەيرۋتكە كەلدى دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

بەيرۋت حالىقارالىق اۋەجايىندا جاساقتى قازاقستان رەسپۋبليكاسىنىڭ ليۆان رەسپۋبليكاسىنداعى ۋاقىتشا سەنىمدى وكىلى ەرجان قالەكەنوۆ، ليۆان رەسپۋبليكاسى قورعانىس مينيسترلىگىنىڭ وكىلى بريگادالىق گەنەرال ءابي كارام جانە ليۆان سىرتقى ىستەر مينيسترلىگىنىڭ وكىلى ءالي ديراني قارسى الدى.

«ءبىز ليۆانعا كومەك كورسەتۋدەگى قازاقستاننىڭ وسى يگى ءىسىن باعالايمىز جانە ق ر پرەزيدەنتى قاسىم- جومارت توقايەۆقا، كورسەتكەن كومەگى مەن قولداۋى ءۇشىن شىن جۇرەكتەن ريزاشىلىعىمىزدى بىلدىرەمىز»، - دەدى ليۆان سىرتقى ىستەر مينيسترلىگىنىڭ وكىلى ءالي ديراني.

ايتا كەتۋ كەرەك، ساۋىردە توتەنشە جاعداي كەزىندە ەلدە كوروناۆيرۋس ينفەكسياسىنىڭ تارالۋىنا بايلانىستى ارنايى ماقساتتاعى اسكەري- مەديتسينالىق جاساقتار قۇرىلدى. ولار جەدەل ارەكەت ەتۋگە جانە قارۋلى كۇشتەر قولباسشىلىعىنىڭ ارنايى مىندەتتەرىن ورىنداۋعا ارنالعان.

«اسكەري دارىگەرلەر ەلىمىزدىڭ ءتۇرلى ايماقتارىندا تاپسىرمالاردى ورىندادى جانە قازىر ەل باسشىلىعىنىڭ تاپسىرماسى بويىنشا ليۆان حالقىنا مەديتسينالىق كومەك كورسەتۋ ءۇشىن اتتاندى. ءارتۇرلى جاعدايدا جۇمىس ىستەۋ ءۇشىن ارنايى ماقساتتاعى اسكەري- مەديتسينالىق جاساقتىڭ پەرسونالى بىتىمگەرشىلىك دايىندىق باعدارلاماسى بويىنشا اعىلشىن ءتىلىن وقىتۋ كۋرستارىنان وتكەن»، دەلىنگەن حابارلامادا.

ەستەرىڭىزگە سالا كەتەيىك، 8 - تامىز كۇنى تاڭەرتەڭ ق ر پرەزيدەنتى – ق ر قارۋلى كۇشتەرىنىڭ جوعارعى باس قولباسشىسىنىڭ تاپسىرماسى بويىنشا پورتتاعى جارىلىس سالدارىنان زارداپ شەككەندەرگە مەديتسينالىق كومەك كورسەتۋ ءۇشىن قۇرامىندا 29 اسكەري دارىگەر مەن 4 اۋدارماشىسى بار توپ بەيرۋتقا جىبەرىلگەن بولاتىن.

ەسكە سالا كەتسەك، 4 - تامىزدا ليۆان استاناسى بەيرۋت قالاسىنداعى پورتتا جويقىن جارىلىس بولدى. جارىلىس سالدارىنان قازاقستاننىڭ س ءى م ليۆانداعى ديپلوماتيالىق ميسسياسى عيماراتىنا زاقىم كەلگەن. جارىلىس كەزىندە ديپلوماتيالىق ميسسيانىڭ قىزمەتكەرلەرى جۇمىس كۇنى اياقتالعاننان كەيىن كەڭسەدەن كەتىپ قالعان. كەڭسەدە قالعان كونسۋل جارىلىس تولقىنى سالدارىنان جەڭىل جاراقات الدى.

ق ر پرەزيدەنتى قاسىم- جومارت توقايەۆ ليۆان پرەزيدەنتى ميشەل اۋنمەن تەلەفون ارقىلى سويلەسىپ، ليۆانداعى قازاقستاندىقتاردىڭ قاۋىپسىزدىگىن قامتاماسىز ەتۋ جونىندە ءوتىنىش بىلدىرگەن ەدى. 5 - تامىز كۇنى جارىلىستىڭ نەدەن شىققانى انىقتالدى. بيلىك مالىمدەمەسىنە سايكەس، اممونيي نيتراتىنىڭ ۇلكەن پارتياسى (اممياك سەليتراسى دەپ تە اتالايدى) پورتتا ۇزاق ۋاقىت ساقتالىپ، قاۋىپسىزدىك تالاپتارى ساقتالماعان.